မင်းသားကြီး ဘရုစ်ဝီလီ ရဲ့အကောင်းဆုံးဇာတ်ကားတွေလို့ဆိုရင် Die Hard ဇာတ်ကားတွေကိုအရင်ဆုံးပြေးမြင်ကြမယ်ထင်ပါတယ်။ကျွန်တော်ကလေးဘဝကတည်းက ကာတွန်းဒီရဲဂျာရဲ့ ကာတွန်းတွေဖတ်ရင်း ဒီဇာတ်လမ်းတွေကိုရင်းနှီးနေပါတယ်….နည်းနည်းအရွယ်ရောက်လာတော့ ဇာတ်ကားတွေကိုမျက်မြင်ကြည့်ရတော့လဲ ထိုင်ရာမထကြည့်မိတာချည်းပါပဲ။ဒီလိုဇာတ်ကားတွေကို စုစည်းပြီးတင်ဆက်ချင်လို့ အခုပြန်ကြည့်မိတော့လဲ မရိုးနိုင်အောင်ကောင်းနေဆဲပါပဲ။ အထူးသဖြင့် ဘာမထီဇာနည်ရုပ်နဲ့ ….စိတ်ထဲရှိသလိုပြောတတ်တဲ့….. အကြောက်အလန့်ကင်းတဲ့….. ဂျွန်မက္ကလိန်းဆိုတဲ့ ဇာတ်ကောင်ကို ဘရုစ်ဝီလီဟာ အပိုအလိုမရှိကွက်တိ ပီပြင်စွာစွမ်းဆောင်ပြသနိုင်ခဲ့ပါတယ်။ဂျွန်မက္ကလိန်းဆိုတဲ့ ဇာတ်ကောင်ဟာ ဘာနဲ့မှအရသာမတူတဲ့ အရသာတစ်မျိုးကို ပီပီပြင်ပြင်ပေးထားနိုင်ခဲ့ပါတယ်။တစ်ကိုယ်လုံးစုတ်ပြတ်သတ်နေတဲ့ကြားက အကြောက်အလန့်ကင်းတဲ့ သူ့ရဲ့ခနဲ့တဲ့တဲ့စကားပြောဟန်တွေဟာ ဂျွန်မက္ကလိန်းဆိုတာ ဒါမျိုးလို့ အသက်ဝင်စေခဲ့ပါတယ်။ Credit Review ဒီဇာတ်ကားကိုဘာသာပြန်ပေးသူကတော့ May Chit ဖြစ်ပါတယ်