God of Gamblers ရဲ့ဒီအပိုင်းမှာတော့ လောင်းကစားနတ်ဘုရားကောင်းချွင်းရဲ့ ဘဝအစနဲ့ လောင်းကစားနတ်ဘုရားရယ်လို့ နာမည်တွင်လာခဲ့ရတဲ့ နောက်ကြောင်းဇာတ်လမ်းတွေကို ရိုက်ကူးပြထားတာဖြစ်ပါတယ်။ အရင် God of Gamblers အပိုင်းတွေကို ကြည့်ဖူးထားသူတွေအနေနဲ့ ကောင်းချွင်းရဲ့ လောင်းကစားလုပ်တဲ့အရည်အချင်းတွေကို ဘယ်လိုရလာတယ်ဆိုတာ သိချင်မိကြမှာပါ။ အဲလိုဆိုရင်တော့ ဒီအပိုင်းကိုကြည့်လိုက်ရင် ဇာတ်ရည်လည်သွားမှာပါ။ မကြည့်ရသေးတဲ့သူတွေအတွက်လည်း ဒီအပိုင်းကနေ စကြည့်ရင် နောက်ထပ်ကြည့်ချင်စိတ်တွေဖြစ်လာမှာတော့ အသေအချာပါပဲ။ ကောင်းချွင်းရဲ့ဘဝဇာတ်ကြောင်းကတော့ ဝမ်းနည်းစရာတွေနဲ့ ပြည့်နေတာမို့ ကြည့်ဖြစ်အောင် ကြည့်ကြဖို့ပဲ အကြံပေးပါရစေ။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။