ကောင်းကင်ဘုံလမ်းလို့ နာမည်တွင်တဲ့နေရာကို လီဆယ်ဆိုတဲ့ ၁၀ နှစ်ကျော်အရွယ် ကောင်မလေးရောက်ရှိလာခဲ့တယ်။ သူ့ရဲ့မွေးစားမိဘအိမ်ကိုပေါ့။ ဒုတိယကမ္ဘာစစ်ကာလဆိုတော့ သူတို့ရပ်ကွက်ကလူတွေက ဗုံးကြဲချိန်တိုင်း ဗုံးခိုတဲ့နေရာမှာ အတူတူစုပြီးပုန်းကြရတယ်။ အဲဒီအချိန်မျိုးမှာဆိုရင် လီဆယ်ရဲ့ ဖေဖေက လူတွေရဲ့ကြောက်လန့်မှုကို သက်သာစေဖို့ အကော်ဒီယံ တီးပြလေ့ရှိတယ်။ ဒီလိုနဲ့ တနေ့တော့ လီဆယ်တို့အိမ်ကို ဂျူးလူမျိုးကောင်လေး ရောက်ရှိလာခဲ့ပြီး လီဆယ်တို့မိသားစုလည်း အန္တရာယ်ကြားထဲ ရောက်ရှိလာခဲ့တယ်။ အဲဒီနောက်လီဆယ်ရဲ့အဖေလည်း စစ်မှုထမ်းဖို့ ထွက်သွားခဲ့ရတယ်။ အဲဒီတော့ ဗုံးခိုချိန်တိုင်း ကြောက်ရွံမှုတွေ သက်သာအောင် လီဆယ်က ပုံပြင်ပြောပြခဲ့တယ်။ စစ်ကြီးရဲ့ရိုက်ခတ်မှုဒဏ်ကို အလူးအလဲ ခံစားရတဲ့အောက်ခြေပြည်သူတွေဘဝ၊လူ့အခွင့်အရေးဆိုတာ ဘာမှန်းတောင်မသိနိုင်တော့တဲ့ ဘဝတွေကို ထပ်တူခံစားမိနိုင်မယ့် ဇာတ်ကားကောင်းတစ်ကားပါ။ တစ်သျူးလေးလည်း ဆောင်ပြီးကြည့်ကြပေါ့နော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်