ကွဲကွာသွားတဲ့ သူငယ်ချင်းနှစ်ယောက်ဖြစ်တဲ့ ဘီလူးနဲ့ စာဟီရ်။ ဘီလူးကတော့ ရွာလေးတစ်ရွာမှာ ဆတ္တာသည်အလုပ်လုပ်ပြီး ပြိုင်ဘက်ဆိုင်ကို မယှဉ်နိုင်တော့ စီးပွားမဖြစ်ဘဲ ဘဝကို ခက်ခက်ခဲခဲ ရုန်းကန်နေရပါတယ်။ သားသမီးတွေ ပညာရေးအတွက် ကျောင်းလခမသွင်းနိုင်တော့ အခက်အခဲ တွေ့နေတဲ့အချိန် စုဗူးထဲမှာတောင် ပိုက်ဆံတစ်ပြားပဲ ရှိတော့တဲ့အချိန်... သူငယ်ချင်းဖြစ်တဲ့ စာဟီရ်ကတော့ နာမည်ကျော်မင်းသားစာဟီရ်ဆိုပြီး အောင်မြင်နေပါတယ်။ စာဟီရ်က အမှတ်မထင် ဘီလူးတို့ နေတဲ့ ရွာလေးကို ရုပ်ရှင်လာရိုက်တဲ့အခါမှာတော့ ရွာသားတွေက မင်းသားကို ကြည့်ချင်တော့ ဘီလူးကို ကပ်ကြပါတော့တယ်။ ဒါပေမယ့်လည်း ဘဝအခြေအနေကွာခြားချက်များနေတော့ သူငယ်ချင်းဆီကို တိုက်ရိုက်မသွားနိုင်ခဲ့ပါဘူး။ ဒီလိုဆို သူတို့နှစ်ယောက် ဘယ်လို ပြန်ဆုံတွေ့မလဲ ။ စာဟီရ်ကကော အတိတ်ကို မေ့တတ်သူလား အဲ့အပြင် သူငယ်ချင်းဆိုတဲ့ အဓိပ္ပာယ်ကို ခံစားကြည့်ရှူရမယ့် ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။