App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Joy Ride လေးကိုဘာသာပြန်တင်ဆက်ပေးလိုက်ပါတယ် ပေါ့ပေါ့ပါးပါးကြည့်ရမယ့် Comedy ကားနဲ့ မိတ်ဆက်ပေးပါမယ်။ ဇာတ်လမ်းက ဟာသဆန်ပေမယ့် လူမျိုးရေးခွဲခြားတာတွေ K Pop culture တွေကိုပါ ပါးပါးလေးပုတ်ထားပါတယ်။ အော်ဒရီနဲ့လိုလိုတို့က အမေရိကမှာ အခြေချနေထိုင်တဲ့ မိသားစုတွေဖြစ်ပြီး ငယ်ငယ်တည်းက အချစ်ဆုံးသူငယ်ချင်းတွေဖြစ်ခဲ့ပါတယ်။ ဒါကလည်း လိုလိုတို့ မိသားစုက တရုတ်တွေဖြစ်ပြီး အော်ဒရီက တရုတ်ကနေ လူဖြူမိသားစုက ခေါ်ယူမွေးစားထားတဲ့အတွက် မြို့ထဲမှာ အာရှဆိုလို့ သူတို့ပဲရှိတာပါ။ ငယ်ငယ်တည်းက လိုလိုက အော်ဒရီကို ကာကွယ်ပေးခဲ့ပြီး အော်ဒရီကတော့ သူက သူများနဲ့တူတူပဲဆိုတာ သက်သေပြဖို့ ကြိုးစားရင်း ရှေ့နေဖြစ်လာပါတယ်။ ဒီလိုနဲ့ အလုပ်ကိစ္စကြောင့် အမိမြေတရုတ်ပြည်ကို ခရီးထွက်ရမယ့်အကြောင်းဖန်လာပြီး လိုလိုနဲ့ သူ့ဝမ်းကွဲနဲ့အတူ လာခဲ့ပါတယ်။ လိုလိုကတော့ ငယ်ငယ်က သူတို့စိတ်ကူးယဉ်ခဲ့သလို အော်ဒရီရဲ့မိခင်ရင်းကို ရှာမယ်ဆိုပြီး တက်ကြွနေတာပေါ့။ ဒါမဲ့ အလုပ်က တရုတ်သူဌေးက အော်ဒရီမိခင်ကိုပါတွေ့ချင်တဲ့အခါ မိခင်ရင်းရှာပုံတော်ဖွင့်ပြီး အလွဲတွေ ဟာသတွေ ကြေကွဲစရာ ကြည်နူးစရာတွေ အစုံကျော်ဖြတ်ရမှာကို ရှုစားရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်