ဒီ Mission Impossible: Ghost Protocol ကတော့ ကျွန်တော့်ဘဝရဲ့အကြိုက်ဆုံး အက်ရှင်ကားတွေထဲ ထိပ်ဆုံးနေရာမှာ ရပ်တည်ပါတယ်။ Mission Impossible ရုပ်ရှင်တွေထဲတောင် အကောင်းဆုံးကားလို့သတ်မှတ်လို့ရပါတယ်။ Rotten Tomatoes rating အနေနဲ့လည်း 93% ရရှိထားပါတယ်။ အကြမ်းသမားများဟာ ရုရှားနိုင်ငံ ကရင်မလင်နန်းတော်ကို ဗုံးခွဲဖျက်ဆီးခဲ့ပါတယ်။ ထိုဗုံးခွဲဖျက်ဆီးမှုကို မတားဆီးနိုင်ခဲ့ခြင်းကြောင့် အီသန်ဟန့်နဲ့ သူရဲ့လျှို့ဝှက်အေးဂျင့်တစ်ဖွဲ့လုံး နှုတ်ထွက်လိုက်ရပါတယ်။ အမေရိကန်သမ္မတကလည်း Ghost Protocol ဆိုတဲ့ မစ်ရှင်ကို စတင်ဖော်ဆောင်လိုက်ပါပြီ။ IMF ကနေ နည်းပညာ လက်နက်ကိရိယာအထောက်အပံ့တွေလည်း မရရှိတော့တဲ့အဆုံး အီသန်ဟန့်တစ်ယောက်သူနဲ့သူ့အဖွဲ့ရဲ့ နာမည်ကို ပြန်လည်အဖတ်ဆည်ရင်း ကရင်မလင်နန်းတော်အား ဗုံးခွဲတဲ့ တရားခံကို ဘယ်လိုကြိုးစားရှာဖွေရလေမလဲ။ ဘယ်လိုများ ဒီအခက်အခဲတွေကို ဖြတ်ကျော်လေမလဲ။ တကယ့်ကို ရင်သပ်ရှုမောဖွယ် ကြည့်ရှုရမှာပဲ ဖြစ်ပါတယ်။