ဒီတစ်ခါမိတ်ဆက်ပေးချင်တဲ့ဇာတ်ကားလေးကတော့ ၂၀၁၉ ခုနှစ်မှာ ထွက်ရှိခဲ့တဲ့ Horror, Thriller အမျိုးအစားဖြစ်ပြီး အပနှင်တဲ့ဇာတ်လမ်းပုံစံမျိုးဖြစ်ပါတယ်။ ဇာတ်လမ်းအကျဉ်းကတော့ ဂျောင်ဆူးဟာ အပနှင်ခြင်းကိစ္စတွေကိုလုပ်ဆောင်တဲ့ ဖာသာတစ်ယောက်ဖြစ်ပါတယ်။ ဂျောင်ဆူးဟာ အိမ်နီးချင်းတစ်ယောက်ရဲ့သမီးမှာ မကောင်းဆိုးဝါးပူးကပ်နေတဲ့အတွက် အပနှင်ဖို့ကြိုးစားရာက ကောင်မလေးဟာ ပြတင်းပေါက်ပေါ်က ခုန်ချပြီး သတ်သေသွားပါတယ်။ အဲဒီကိစ္စကြောင့် ဂျောင်ဆူးဟာ အပနှင်တာကိုမလုပ်တော့ပဲ နိုင်ငံခြားက ဘုရားကျောင်းတစ်ခုမှာ အခြေချဖို့ ဆုံးဖြတ်ခဲ့ပါတယ်။ တဖက်မှာလည်း သူ့အစ်ကိုက မိသားစုနဲ့အတူ အိမ်အသစ်ကို ပြောင်းသွားခဲ့ပြီး အဲဒီကိုရောက်ရောက်ချင်းနေ့မှာပဲ ထူးဆန်းတာတွေကြုံတွေ့လာရတဲ့အခါ ဂျောင်ဆူးကိုဆက်သွယ်ပြီး အကူအညီတောင်းခဲ့ပါတယ်။ ဒီတော့ အိမ်အသစ်မှာ ထူးဆန်းတာတွေကြုံလာရတဲ့အကြောင်းအရင်းက ဘာများဖြစ်မလဲ။ စိတ်ဒဏ်ရာရထားတဲ့ ဖာသာဂျောင်ဆူးကရော အဲဒီကိစ္စကို ဖြေရှင်းပေးနိုင်ပါ့မလားဆိုတာကို ရင်တထိတ်ထိတ်နဲ့ ကြည့်ရှုခံစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်