Stieg Larrson ရဲ့ Trilogy ထဲကမှ ဒုတိယမြောက်ကားပါ ဒီကားကတော့ The girl with the dragon tattoo ရဲ့ အဆက်ပါ ရှေ့ကားကို ကြည့်ပြီးမှ ဒီကားကိုဆက်ကြည့်ဖို့ အကြံပေးပါတယ် ဇာတ်လမ်းအစမှာ Lisbeth တယောက် နိုင်ငံရပ်ခြားကနေ တနှစ်ကျော်ကြာတော့ ဆွီဒင်ကိုပြန်ရောက်လာခဲ့တယ် သူမရဲ့ အုပ်ထိန်းသူဖြစ်နေသေးတဲ့ အကျင့်ပျက် အစိုးရရှေ့နေက သူမကို မကျေနပ်လို့ လူမိုက်ငှားပြီး သူမဆီကနေ DVD ကို ပြန်ယူဖို့ကြိုးစားပါတယ် Mikael ကတော့ အရှေ့ဥရောပမှာ လူကုန်ကူးမှုအကြောင်း အဓိက ဇာတ်လမ်းအနေနဲ့ရေးသားမယ့် Millenniumမှာ အယ်ဒီတာအနေနဲ့ ဆက်လုပ်နေပါတယ် အဲ့လူကုန်ကူးမှုမှာလည်း ဥပဒေဌာနအတွင်းက လူတွေပါဝင်နေတာကို တွေ့ခဲ့ကြတယ် ကံမကောင်းချင်တော့ လူကုန်ကူးမှုအကြောင်းက်ို Thesis လုပ်နေတဲ့ သတင်းထောက်စုံတွဲက ခရီးထွက်ခါနီး အသတ်ခံလိုက်ရပြီး ရဲတွေက Lisbeth က သံသယရှိတရားခံဖြစ်တယ်လို့ ဝရမ်းထုတ်ခဲ့ပါတယ် လက်ဗွေရာတွေ သက်သေတွေ အကုန်လုံးကလည်း Lisbeth ကို ဦးတည်နေသလို Lisbeth မသတ်ခဲ့တာကို သေချာသိနေတဲ့ Mikael ကလည်း သူမရဲ့ နာမည်ဆိုးကိုရှင်းဖို့ ဘယ်လိုကူညီပေးမလဲ Lisbeth ရဲ့ လျို့ဝှက်ထားတဲ့ အတိတ်ကပဲ သူ့ကို ကယ်တင်နိုင်မှာလား ပရိယာယ်တွေကို သူတို့ ၂ ယောက် ဘယ်လိုဖြေရှင်းမလဲဆိုတာကို ဒီကားမှာ ကြည့်ရမှာပါ....... ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ Tomato ဖြစ်ပါတယ်။