မြန်မာနိုင်ငံတော်ဂိမ်း မိုဘိုင်းလီဂျန့်ထဲမှာ Zilong လို့ခေါ်တဲ့ Hero တစ်ယောက်ရှိပါတယ်။အဲ့ဒီ Hero ကအခုတင်ဆက်ပေးမဲ့ကားထဲမှာပါတဲ့လောင်တိုင်းပြည်ရဲ့ဗိုလ်ချုပ်ကြီးဇီလောင်းကိုကိုးကားပြီးဖြစ်လာတာပဲဖြစ်ပါတယ်။အဲ့ဒီဇီလောင်းဆိုတဲ့ဗိုလ်ချုပ်ကြီးရဲ့စိတ်ဝင်စားစရာသမိုင်းကြောင်းကို Three Kingdoms Resurrection Of The Dragon ဆိုတဲ့ 2008 ခုနှစ်ကထွက်ရှိခဲ့တဲ့ဇာတ်ကားလေးနဲ့တင်ဆက်ပေးလိုက်ပါတယ်။၂၂၈ အေဒီမှာတရုတ်နိုင်ငံမှာဝေ ၀ူနဲ့ ရှူဆိုပြီးတိုင်းပြည်သုံးခုကွဲပြားနေပြီး စစ်ပွဲတွေကလဲအဆက်မပြတ်ဖြစ်ပွားနေခဲ့ပါတယ်။အဲ့ဒီတိုင်းပြည်သုံးခုရှူတိုင်းပြည်မှာသူ့တိုင်းပြည်အတွက်ငြိမ်းချမ်းမှုကိုယူဆောင်လာပေးချင်တဲ့လူငယ်လေးတစ်ယောက်ရှိနေခဲ့ပါတယ်။သူကတော့ဇီလောင်းပဲဖြစ်ပြီးတိုင်းပြည်အတွက်စစ်တပ်ထဲကိုဝင်ခဲ့ပါတော့တယ်။စစ်တပ်ထဲဝင်ပြီးမကြာခင်မှာပဲ သူတို့ရဲ့အရှင်ရဲ့သားတော်ကိုရန်သူတွေဖမ်းသွားခဲ့ပါတော့တယ်။ ဒီလိုနဲ့ဇီလောင်းကအသက်စွန့်ပြီးရန်သူတွေအများကြီးကြားထဲကအရှင်လောင်ရဲ့သားတော်ကိုကယ်တင်ပေးခဲ့တဲ့အတွက်တိုင်းပြည်ရဲ့သူရဲကောင်းဖြစ်လာခဲ့ပါတယ်။မကြာခင်မှာသူ့ရဲ့ရဲစွမ်းသတ္တိနဲ့အရည်အချင်းတွေကြောင့်ကျားငါးကောင်ဗိုလ်ချုပ်များထဲကဗိုလ်ချုပ်ကြီးတစ်ယောက်ဖြစ်လာခဲ့ပါတယ်။ဒါပေမယ့်အဲ့ဒီနောက်ပိုင်းနှစ်ပေါင်း ၂၀ ကျော်ကြာတာတောင်တိုင်းပြည်ကမအေးချမ်းနိုင်ခဲ့ပဲသူ့ဘ၀ရဲ့နောက်ဆုံးတိုက်ပွဲကိုရောက်ရှိလာတဲ့အခါမှာတော့ သမိုင်းကြောင်းမှာဘယ်လိုစိတ်ဝင်စားစရာကောင်းတဲ့အရာတွေဖြစ်ခဲ့တယ်ဆိုတာကိုကြည့်ရှုရမဲ့ဇာတ်ကားလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်