App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Headshot လေးကိုဘာသာပြန်တင်ဆက်ပေးလိုက်ပါတယ် မစ္စတာလီလို့လူသိများတဲ့ အကြမ်းဖက်သမားဟာ လူတွေကို အမြဲအစုလိုက်အပြုံလိုက်သတ်ဖြတ်တတ်တဲ့ ထူးဆန်းတဲ့ လူသတ်အကြမ်းဖက်သမားလို့ လူပြောများနေကြသူပါ။ သူဟာ ကလေးငယ်အရွယ်လေးတွေကိုတော့ ဖမ်းဆီးခေါ်ဆောင်သွားတတ်ပြီး အရွယ်ရောက်အောင်ကျွေးမွေးထားကာလူသတ်သမား အကြမ်းဖက်သမား ခိုးဆိုးလုယက်သမားတွေဖြစ်လာအောင် ပျိုးထောင်ခဲ့ပါတယ်။ ဒီလိုနဲ့သူရဲ့ အကြမ်းဖက် အင်ပါယာကြီးက တဖြည်းဖြည်းကြီးမားလာပြီး အားလုံးဖိန့်ဖိန့်တုန်အောင် ကြောက်ရတဲ့ အဖွဲ့အစည်းကြီးဖြစ်လာပါတော့တယ်။ တစ်နေ့မှာ သူ့ရဲ့အဖွဲ့အစည်းထဲက အက်ဘ်ဒီ လို့ခေါ်တဲ့ကောင်လေးတစ်ကောင်ကို သတ်ပစ်လိုက်ပေမယ့် ကောင်လေးကမသေဘဲ ကမ်းခြေမှာသွားတင်နေခဲ့ပါတယ်။အဲ့ကောင်လေးကို အိုင်လင်လို့ခေါ်တဲ့ ဒေါက်တာမလေးက ကယ်တင်ပေးခဲ့ပြီး အက်ဘ်ဒီပြန်ကောင်းလားတဲ့အခါမှာတော့ အကြမ်းဖက်အဖွဲ့အစည်းရဲ့ အပူတပြင်းရှာဖွေတာကိုခံခဲ့ရပါတယ်။ နောက်ဆုံးမှာ အက်ဘ်ဒီကို မဖမ်းမိတဲ့အတွက် ဒေါက်တာမလေးကို ဖမ်းဆီးသွားတဲ့အခါမှာတော့..... အက်ဘ်ဒီဟာ သူ့ရဲ့အဖွဲ့ကို ပြန်ပုန်ကန်ပြီး သူ့ရဲ့ဒေါက်တာမလေးကို ပြန်ကယ်တင်နိုင်ပါ့မလားဆိုတာ.. လူသတ်ဖို့ လက်မနှေးတဲ့ ဂိုဏ်းကြီးကို အက်ဘ်ဒီတစ်ယောက် ဘယ်လိုရင်ဆိုင်ရမလဲဆိုတာ ကြောက်ခမန်းလိလိနဲ့ အသဲယားဖွယ်ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ngwe Hnin Khaine ဖြစ်ပါတယ်