App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ The Good, the Bad and the Ugly လေးကိုတင်ပေးလိုက်ပါတယ်။ ကောင်းဘွိုင်ရုပ်ရှင်ကားတွေရဲ့ဘိုးအေကြီးဖြစ်တဲ့အပြင်အကောင်းတကာ့အကောင်းဆုံးအနောက်တိုင်းကောင်းဘွိုင်ရုပ်ရှင်ကားတွေထဲကတစ်ကားဖြစ်တဲ့ 1966 ခုနှစ်ကထွက်ရှိခဲ့တဲ့ The Good The Bad And The Ugly ဆိုတဲ့ Lengendary ကားကိုတင်ဆက်ပေးလိုက်ပါတယ်။ကောင်းလားမကောင်းလားဆိုတာတော့ IMDb မှာရထားတဲ့ Rating 8.8 နဲ့ကိုယ်တိုင်ကြည့်ပြီးတော့ပဲဆုံးဖြတ်စေချင်ပါတယ်။ဇာတ်လမ်းအစမှာတော့ဘလွန်ဒီနဲ့နာမည်ဆိုးနဲ့ကျော်ကြားတဲ့၀ရမ်းပြေးတူကိုတို့ပေါင်းပြီးလုပ်စားနေတာကိုတွေ့ရမှာပဲဖြစ်ပါတယ်။ဘယ်လိုလဲဆိုတော့ဘလွန်ဒီကတူကို့ကိုဖမ်းပြီးဆုကြေးလာထုတ်ပြီးတော့ကြိုးပေးမဲ့အချိန်မှာပြန်ပြန်ကယ်ပြီးတစ်ယောက်တစ်ဝက်ခွဲယူကြတာပဲဖြစ်ပါတယ်။ဒါပေမယ့်ဒီလိုလုပ်တာကြာတဲ့အခါမှာဘလွန်ဒီကဆက်မလုပ်ချင်တော့ပဲတူကို့ကိုကန္တာရထဲမှာထားခဲ့ပြီးလမ်းခွဲခဲ့ပါတော့တယ်။ဒါပေမယ့်တူကိုကလဲအသက်ပြင်းတဲ့အပြင်အငြိုးကပါကြီးတဲ့အတွက်သူ့ကိုလုပ်ခဲ့တဲ့အတိုင်းတစ်ပုံစံတည်းကန္တာရထဲမှာဘလွန်ဒီကိုပြန်သွားခိုင်းပါတော့တယ်။ ဒါပေမယ့်လမ်းမှာငွေတွေအများကြီးကိုမြှုပ်ထားတဲ့နေရာအကြောင်းကိုသိထားတဲ့လူကသူတို့နှစ်ယောက်ကိုဘယ်မှာမြှုပ်ထားတယ်ဆိုတာကိုတစ်ဝက်စီပြောသွားတဲ့အခါမှာတော့ဘလွန်ဒီနဲ့တူကိုတို့နှစ်ယောက်မဖြစ်မနေပြန်လက်တွဲရပြီးအဲ့ဒီငွေတွေအများကြီးကိုရှာဖွေရင်းနဲ့ဘယ်လိုအရာတွေကြုံတွေ့သွားရမယ်ဆိုတာတွေအပြင် ကောင်းဘွိုင်တွေအကြောင်းကိုပါထိမိအောင်ရိုက်ကူးပြသထားတဲ့ဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတေုာ့ Eazy ဖြစ်ပါတယ်