ဒီတစ်ခေါက်အလှည့်ကျတာကတော့ လူလိမ်တစ်ယောက်နဲ့ စာရင်းကိုင်တစ်ယောက် မိတ်ဆွေဖြစ်သွားရာကနေ ရာဇဝတ်မှုကြီး ပေါ်ပေါက်လာတဲ့ဇာတ်လမ်းဖြစ်ပါတယ်။ လူလိမ် ဝါရက်ဘို့စ်နေရာမှာ မင်းသားကြီး Hugh Jackman ပါဝင်သရုပ်ဆောင်ထားပါတယ်။ ရှက်တတ်ပြီး social life မရှိတဲ့ စာရင်းကိုင် ဂျွန်နသန်က တစ်ည သူစစ်ပေးရတဲ့ကုမ္ပဏီမှာ ညဉ့်နက်တဲ့ထိ အလုပ်လုပ်ရင်း စမတ်ကျကျဝတ်စားထားပြီး သူ့ကိုယ့်သူ အဲ့ရုံးကရှေ့နေလို့ မိတ်ဆက်လာတဲ့ ဝါရက်ဘို့စ်နဲ့ ခင်မင်သွားပါတယ်။ ဂျွန်နသန်ရဲ့ပျင်းစရာကောင်းတဲ့ ဘဝက ဝါရက်ကြောင့် ပျော်ဖို့ကောင်းလာပါတယ်။ တစ်ရက်သူတို့ဆုံပြီးနောက်မှာ မထင်မှတ်ဘဲ ဖုန်းချင်းလွဲသွားပြီးတော့ ဂျွန်နသန်က ဝါရက်ရှိနေတဲ့ The List ဆိုတဲ့ sex group ကနေ ဆက်သွယ်တာတွေ ရခဲ့ပါတယ်။ ဝါရက်ကလည်း အလုပ်ခရီးသွားနေတော့ ဝါရက်အဖြစ်နဲ့ မိန်းမတွေကိုချိန်းပြီး ပျော်ပါးနေခဲ့ပါတယ်။ တစ်ညမှာတော့ အဲ့ဂရုကနေ မိန်းကလေးတစ်ယောက်နဲ့ ချိန်းပြီး သဘောကျသွားတဲ့အချိန် အဲ့မိန်းကလေးက ထူးထူးဆန်းဆန်းပျောက်ဆုံးသွားပါတယ်။ ဂရုရဲ့စည်းမျဉ်းတွေအရ ဘာအချက်အလက်မှမသိတာမို့ ရဲတွေလည်း ဘာမှလုပ်မပေးနိုင်ပါဘူး။ ဒါမဲ့ နောက်ပိုင်းမှာ ဝါရက်နဲ့အဆက်အသွယ်ရပြီး မိန်းကလေးပျောက်သွားတာက သူနဲ့ပတ်သက်နေတဲ့အခါ...အစတည်းက ဝါရက်က အကြံအစည်နဲ့ ချဉ်းကပ်လာတဲ့ လူလိမ်ဖြစ်နေတဲ့အခါ...သူ့အကြံက ဘာဖြစ်မလဲ သုံးပွင့်ဆိုင်ဇာတ်လမ်းကရော ဘယ်လိုအဆုံးသတ်မလဲဆိုတာ ဆက်လက်ရှုစားနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်