ဒီဇာတ်ကားလေးကတော့ မင်းသားကြီး ဂျက်ကီချမ်း ထုတ်လုပ်သူအဖြစ်ပါဝင်ထားတဲ့ 2017ထွက် သိပွံအက်ရှင်ကား လေးပါ။ ခေတ်လွန်သိပွံကားတစ်ကားဖြစ်ပြီး အချိန်ခရီးသွားတာတွေပါ ပါတဲ့အတွက် Sci fi ကား ကြိုက်တဲ့သူတွေအတွက်တော့အနှစ်ပါပဲ။ ဂျက်ကီချမ်းကိုယ်တိုင် ထုတ်လုပ်သူနေရာမှာရော အက်ရှင်နည်းပြနေရာမှပါ ပါဝင်ထားလို့ အက်ရှင်ခန်းတွေဘယ်လောက်လန်းမလဲဆိုတာလဲ ပြောစရာလိုတော့မယ်မထင်ပါဘူး။ မင်းသားမင်းသမီးတွေက တရုတ်သိုင်းကားကြည့်သူတွေ ရင်းနှီးပြီးသားဖြစ်မယ့် မင်းသားမင်းသမီးတွေဖြစ်ပါတယ်။ ဇာတ်လမ်းပုံစံကတော့ သားပြန်ပေးဆွဲခံရတဲ့မိခင်တစ်ယောက် ပုံစံအမျိုးမျိုးဖြစ်နေတဲ့ အနာဂတ်ကို သွားရောက်ကာ သူမရဲ့သားကို ကယ်တင်ပုံကို ဇာတ်လမ်းဆင်ထားတာပါ။ ဆက်ရေးရင် ဇာတ်လမ်းပေါ့သွားမှာစိုးလို့ ဒီလောက်လေးပဲ ညွှန်းပါရစေ