App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Erin Brockovich လေးကိုဘာသာပြန်တင်ဆက်ပေးလိုက်ပါတယ် မင်းသမီးကြီးဂျူလီယာရောဘက် ပါဝင်သရုပ်ဆောင်ထားပြီး IMDB rating 7.4/10 နဲ့ Oscar ဆုအပြင် ဆုပေါင်းများစွာရရှိခဲ့တဲ့ ဖြစ်ရပ်မှန်ဇာတ်လမ်းနဲ့ မိတ်ဆက်ပေးချင်ပါတယ်။ စင်ဂယ်မားသားအဖြစ်နဲ့ ကလေးသုံးယောက်ကို ပျိုးထောင်နေရတဲ့ အလုပ်လက်မဲ့အမျိုးသမီး အယ်ရင်...ငွေရဖို့ အမှုခွင်ဖန်ရင်း အဆင်မပြေဘဲ ကြွေးတွေတင်သွားလို့ သူရှေ့နေငှားခဲ့တဲ့ရုံးမှာ အလုပ်မရမကတောင်းခဲ့တယ်။ တစ်ချိန်တုန်းက မယ်ဘွဲ့ရခဲ့ပြီး ဘွဲ့ဒီဂရီတွေ မရှိသလို တခြားဘာအရည်အချင်းမှ မရှိတဲ့ အယ်ရင်က အဲ့ရုံးကရှေ့နေအက်ရဲ့ လက်ထောက်ဖြစ်လာပြီး စိတ်ထဲရှိတဲ့အတိုင်း မဆင်မခြင်ပြောတတ်လို့ အမြဲတကျက်ကျက်ပါပဲ။ ဒီလိုနဲ့ သူ့ကိုခိုင်းထားတဲ့အမှုတွဲဖိုင်တွေ ကြည့်ရင်းက ကယ်လီဖိုးနီးယား၊ ဟင်ကလီက မသင်္ကာစရာကောင်းတဲ့ အိမ်ခြံမြေအမှုကို ရှာတွေ့ပြီး စုံစမ်းခဲ့ပါတယ်။ ပစိဖိတ်ဓာတ်ငွေ့နဲ့လျှပ်စစ်ကော်ပိုရေးရှင်းကြီးက ဟင်ကလီမှာရှိတဲ့ သူ့စက်ရုံနားက မြေတွေကို ဝယ်နေတာပါ။ အယ်ရင်က တစ်စပြီးတစ်စဆွဲထုတ်ရင်း သိလာတာကတော့ အဲ့နားတစ်ဝိုက်က မိသားစုတွေကစက်ရုံက စွန့်ပစ်ပစ္စည်းတွေမှာပါတဲ့ ခရိုမီယမ်အဆိပ်သင့်ပြီး ကင်ဆာအပါအဝင် ရောဂါမျိုးစုံ ခံစားနေရပါတယ်။ ဒါကြောင့် အခက်အခဲတေံကြားကနေ ကုမ္ပဏီကို တရားစွဲဖို့ ရသမျှတရားလိုတွေ သက်သေတွေစုဆောင်းပြီး အက်နဲ့အတူ နစ်နာသူတွေအတွက် လျော်ကြေးထိုက်ထိုက်တန်တန်ရအောင် ကြိုးစားပေးခဲ့ပါတယ်။ ကုမ္ပဏီက ပေးရတဲ့လျော်ကြေးက အမေရိကတရားခွင်သမိုင်းမှာ အများဆုံးလျော်ကြေးလည်း ဖြစ်ခဲ့ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်