ပရိတ်သတ်တွေရဲ့အသည်းစွဲ မင်းသားချော Gong Yoo နဲ့ Park Bo Gum တို့ အတွဲညီညီသရုပ်ဆောင်ထားတဲ့ သိပ္ပံဇာတ်ကားလေးပါ လူသားကိုယ်ပွားအဖြစ် ဖန်တီးထားတဲ့ ထာဝရအသက်ရှင်နိုင်တဲ့ Seobok ကိုတော့ ဓာတ်ခွဲခန်းထဲမှာ ပြုစုပျိုးထောင်ခဲ့ပြီး သူ့ရဲ့ရိုးတွင်းခြင်ဆီကထွက်တဲ့ဆဲလ်နဲ့ လူသားတွေကို ထာဝရရှင်သန်အောင် ကုသပေးနိုင်ဖို့ရည်ရွယ်ပြီး ဖန်တီးခဲ့တာပါ Min Ki Hun ကတော့ ဦးနှောက်ကင်ဆာခံစားနေရတဲ့ အေးဂျင့်ဟောင်းတစ်ယောက်ဖြစ်ပြီးတော့ အသက်ရှင်ဖို့ အချိန်သိပ်မကျန်တော့ပါဘူး တစ်နေ့မှာတော့ Min Ki Hun ရဲ့အထက်အရာရှိဟောင်းက Seobok ရဲ့ ရိုးတွင်းခြင်ဆီကထွက်တဲ့ဆဲလ်နဲ့ ဆေးကုသစမ်းသပ်မှုမှာပါဝင်ပေးဖို့ ကင်ဆာဝေဒနာရှင် Min Ki Hun ကို ကမ်းလှမ်းလာပါတယ် အသက်ရှင်ဖို့အတွက် ကြိုးစားနေတဲ့ Min Ki Hun နဲ့ ထာဝရရှင်သန်နိုင်တဲ့ Seobok တို့ကြားက သံယောဇဉ်တွေ အခက်အခဲတွေကို အတူရင်ဆိုင်ကြပုံတွေ လူသားတွေရဲ့အတောမသတ်နိုင်တဲ့လောဘတွေကို ဒီဇာတ်ကားထဲမှာ မြင်တွေ့ရမှာမို့ ကြည့်ရှုကြဖို့ တိုက်တွန်းလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Moh Moh ဖြစ်ပါတယ်