ဒီဇာတ်ကားလေးကတော့အမေရိကန်နဲ့ရှရှားရဲ့ရေတပ်တွေကြားကတိုက်ပွဲတွေနဲ့သင်္ဘောသားတွေရဲ့ဘဝကိုထင်ထင်ရှားရှားရိုက်ကူးထားတဲ့ဇာတ်ကားပဲဖြစ်ပါတယ်။ဇာတ်လမ်းအကျဉ်းချုပ်ကတော့အမေရိကန်ဘက်ကတမ်ပါဘေးဆိုတဲ့ရေငုပ်သင်္ဘောတစ်စီးကအာတိတ်သမုဒ္ဒရာထဲကရှရားပိုင်နက်မှာကင်းထောက်နေတဲ့အချိန်မှာတော်ပီဒိုထိမှန်ပြီးနစ်မြုပ်သွားခဲ့ပါတယ်။ဒီလိုနဲ့အခြေအနေအမှန်ကိုမသိရတဲ့အမေရိကန်စစ်တပ်ကအဲ့ဒိအကြောင်းကိုစုံစမ်းဖို့အတွက် Hunter Killer (အမဲလိုက်သတ်ဖြတ်သူ) ဆိုတဲ့ရေငုပ်သင်္ဘောနောက်တစ်စီးကိုလွှတ်ခဲ့ပါတော့တယ်။ဒီလိုနဲ့သွားရောက်စုံစမ်းခဲ့တဲ့အခါမှာအဖြစ်မှန်ကိုသိရပြီးတင်ပြခဲ့တဲ့နောက်မှာထပ်ပြီးတော့တိုက်ခိုက်ခံခဲ့ရပါတော့တယ်။ဒါပေမယ့်ဒီလိုတိုက်ခိုက်မှုတွေဟာဒီအတိုင်းနယ်မြေကျူးကျော်မှုကြောင့်တိုက်ခိုက်တာမဟုတ်ပဲ လူတစ်ဦးကအာဏာသိမ်းပြီးရှရှားနဲ့အမေရိကန်နှစ်နိုင်ငံကြားမှာစစ်ဖြစ်ဖို့ကြိုးစားနေတာကိုသိသွားခဲ့ရတဲ့အခါမှာ ကြီးမားတဲ့စစ်ပွဲကြီးမဖြစ်လာဖို့အတွက် Hunter Killer နဲ့အမေရိကန်ကလွှတ်ထားတဲ့မြေပြင်တပ်ဖွဲ့တို့ကအသီးသီးကြိုးစားကြတာကိုတွေ့ရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်