ဒါကတော့ ၂၀၁၀ ခုနှစ်ကထွက်ရှိခဲ့တဲ့ နာမည်ကျော် Family/ Comedy animated ရုပ်ရှင်ဇာတ်ကားကောင်းတစ်ခု ဖြစ်ပါတယ်။ စူပါဗီလိန်တစ်ယောက်ဖြစ်တဲ့ Megamind က သူ့ရဲ့ ရန်သူတော်ကြီးဖြစ်တဲ့ စူပါဟီးရိုး - မက်ထရိုမန်းကို သတ်ဖြတ်လိုက်ပြီးတဲ့အခါ မက်ထရိုမြို့ကြီးထဲမှာ ထင်တိုင်းကျဲပြုမူလာပါတော့တယ်။ ရန်သူတော်ကြီးမရှိတော့တဲ့အခါ သူ့ကို တားဆီးမယ့်သူ မရှိတော့တာမလို့ အချိန်ကြာလာတဲ့အခါ စူပါဗီလိန်ကြီးက ပျင်းရိခြင်းကို ခံစားမိလာပါတော့တယ်။ ဒီတော့ သူ ဆိုးသွမ်းသမျှ သူ့ကို တားဆီးပေးမယ့် ဟီးရိုးတစ်ယောက်ကို ထပ်ထွင်လိုက်တဲ့အခါ .... အဲ့ဒီဟီးရိုးက လူဆိုးအဖြစ်ပြောင်းလဲသွားတဲ့အခါ သူ ဘယ်လိုဆက်လုပ်မလဲ။ ဘယ်လိုရင်ဆိုင်မလဲ ဆိုတာကို ဆက်လက်ကြည့်ရှုရမှာပဲ ဖြစ်ပါတယ်။ Megamind နေရာမှာတော့ မင်းသားကြီး Will Ferrell က အသံသရုပ်ဆောင်ထားပြီးတော့ အခြားနာမည်ကျော်သရုပ်ဆောင်များဖြစ်ကြတဲ့ Ben Stiller၊ Jonah Hill၊ Tina Fey နဲ့ Brad Pitt တို့ကလည်းပါဝင်အားဖြည့်ထားပါသေးတယ်။ အညွှန်းရေးသားသူနဲ့ ဘာသာပြန်သူကတော့ Leon K Zaw ဖြစ်ပါတယ်။