ဇာတ်လမ်းအကျဉ်းလေးကတော့ ရုရှားနိုင်ငံမှာ ဘာကြောင့်မှန်းမသိပဲ ရုတ်တရက်ကြီး လျှပ်စစ်ပစ္စည်းမှန်သမျှရပ်တန့်သွားပြီး လူတွေဟာလဲ အသိစိတ်တွေပျောက်ကာတိုက်ခိုက်မှုတွေလုပ်ပါတော့တယ်။ ကြိုးကိုင်ထားသူဟာလည်း ဘယ်သူဆိုတာရှာဖွေလို့မရပြန်ပါဘူး။ အမှောင်ကျသွားတဲ့ဇုန်ထဲကို စုံစမ်းဖို့ တပ်သားတွေဟာလည်း အဆက်အသွယ်ပြတ်ကုန်ပြီး တစ်ယောက်မှပြန်မလာကြပါဘူး။အဲ့ဒါကြောင့် စုံစမ်းရေး အထူးတပ်ဖွဲ့ဖွဲ့ပြီး စေလွှတ်လိုက်ပေမယ့် တိုက်ခိုက်မှုတွေဖြစ်လာပြီး ပြန်မထွက်လာနိုင်ကြပါဘူး။တစ်ဖက်မှာလည်း အစ် လို့အမည်ရတဲ့ဂြိုလ်သားတစ်ကောင်က အမည်မသိရန်သူတွေကိုတိုက်ခိုက်ဖို့ သူကူညီပေးမယ်ဟုဆိုကာ ကမ်းလှမ်းလာပါတော့တယ်။ဒီလိုနဲ့ သူတို့ရင်ဆိုင်နေရတာဟာ တစ်ခြားနိုင်ငံနဲ့ စစ်ပွဲဖြစ်တာမျိုးမဟုတ်ပဲ ဂြိုလ်သားတွေက ကမ္ဘာကိုသိမ်းပိုက်ဖို့လုပ်နေတယ်ဆိုတာ သိသွားချိန်မှာတော့ ဘာတွေဆက်ဖြစ်ကြမလဲဆိုတာကို ဇာတ်လမ်းလေးကိုကြည့်ရှုခံစားပေးကြပါအုံး.... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်