ဒီတစ်ခေါက်မှာတော့ မင်းသားကြီး Dwayne Johnson အဓိကပါဝင်သရုပ်ဆောင်ထားပြီး 2013 ခုနှစ်ကထွက်ရှိခဲ့တဲ့ Action, Drama, Thriller ဇာတ်ကားလေးတစ်ကားကို တင်ဆက်ပေးလိုက်ပါတယ်။ ဒီကားထဲမှာတော့ Dwayne Johnson ကို မိသားစုကိုအရမ်းချစ်ပြီးဂရုစိုက်တဲ့ **ဂျွန်မက်သရူးစ်** အနေနဲ့ တွေ့မြင်ရမှာပါ။ တစ်နေ့မှာတော့ သူ့ရဲ့သားဖြစ်သူဟာ သူငယ်ချင်းတစ်ယောက်ရဲ့ ထောင်ချောက်ဆင်မှုကြောင့် မူးယစ်ဆေးအမှုနဲ့ အဖမ်းခံလိုက်ရပါတယ်။ ဒီလိုအဖမ်းခံလိုက်ရတဲ့အမှုဟာ အာမခံမရဘဲ ထောင်ဒဏ် အနှစ် (၂၀) ကျမဲ့ကိန်း ဖြစ်လာတဲ့အခါမှာတော့ အဖေဖြစ်တဲ့ ဂျွန်မက်သရူးစ်တစ်ယောက် လက်ပိုက်ကြည့်မနေနိုင်တော့ပါဘူး။ သူကိုယ်တိုင် သူ့သားကို ထောင်ကလွတ်အောင်ကြိုးစားတဲ့နေရာမှာလည်း ဘယ်လိုမှမရခဲ့ဘဲ နောက်ဆုံးမှာတော့ သူ့သားရဲ့အပြစ်ဒဏ်ကိုလျှော့ပေးဖို့ အလဲအလှယ်အနေနဲ့ မူးယစ်ဆေးရောင်းတဲ့သူကိုဖမ်းပေးဖို့ သဘောတူလိုက်ရပါတယ်။ ဒီလိုနဲ့ ကတိအတိုင်း သားကိုထောင်ကလွတ်အောင်ကယ်ထုတ်ဖို့ ကြိုးစားရင်း သူ့မိသားစုပါ အန္တရာယ်ထဲကျလာနိုင်တဲ့အခါမှာတော့... မိသားစုကိုရော အန္တရာယ်ထဲကနေ ဘယ်လိုလွတ်အောင်လုပ်မလဲ...? သားကိုရော တကယ်ပဲ ထောင်ကလွတ်အောင်လုပ်ပေးနိုင်မှာလားဆိုတာကိုတော့ ... **IMDB 6.4** အထိ ရရှိထားတဲ့ ဒီဇာတ်ကားလေးထဲမှာ ‌ကြည့်ရှုလိုက်ရအောင်လား... ဒီဇာတ်ကားကို အညွှန်းနဲ့ ဘာသာပြန်သူကတော့ **Max** ဖြစ်ပါတယ်။