ဒီတစ်ခေါက်မှာတော့ Documentary တစ်ပုဒ်နဲ့မိတ်ဆက်ပေးပါရစေ ဒီDocumentary ဟာဆိုရင် ၁၉၈၀ဝန်းကျင်က တရုတ်ကွန်ဖူး စတန့်သမားတွေရဲ့ဘဝနဲ့ သူတို့ကျော်ဖြတ်ခဲ့ရတဲ့ အခက်အခဲတွေကို ရိုက်ကူးပြထားတာပါ။ တရုတ်ကွန်ဖူးဆိုတာ ကြည့်လို့ကောင်းတဲ့အပြင် ကြည့်ပြီးသွားရင် သူတို့ရဲ့ဟန်ပန်တွေကိုပါ လိုက်လုပ်မိလောက်အောင် ကြည့်ရှုသူတွေကို ဆွဲဆောင်နိုင်တဲ့ Genre တစ်မျိုးပါပဲ။ ဒါပေမဲ့ ဒီလိုကြည့်လို့ကောင်းအောင် နောက်ကွယ်မှာ အသက်နဲ့ရင်းပြီး ကြိုးစားထားကြရတာတွေကိုတော့ ပရိသတ်တွေက မသိကြလောက်ပါဘူး။ ဒီ ဗီဒီယိုထဲမှာတော့ ဟိုးအရင်သိုင်းကားတွေရဲ့ Behind the scenes တွေကို တွေ့မြင်ကြရမှာပါ။ အက်ရှင်ကားတွေကို နဂိုတည်းကကြိုက်ကြတဲ့သူတွေဟာ ဒီဗီဒီယိုလေးကိုပါဆက်ကြည့်လိုက်ရင် ကွန်ဖူးအက်ရှင်ရဲ့အနှစ်သာရကို ပိုပြီးနားလည်သွားမှာဖြစ်လို့ ဒီဗီဒီယိုလေးကို ကြည့်ရှုလိုက်ကြပါ။ အညွှန်းနဲ့ဘာသာပြန်ပေးသူကတော့ Ei Thinzar Nyein ဖြစ်ပါတယ်။