အရှေ့တစ်ခေါက်က တင်ဆက်ပေးခဲ့တဲ့ (The Crossing) ဇာတ်ကားရဲ့ ဒုတိယပိုင်းကို ဆက်လက်တင်ဆက်ပေးချင်ပါတယ်။ စစ်ပွဲကြောင့် တစ်နယ်စီဝေးခဲ့ရတဲ့စုံတွဲတွေရဲ့ ဝမ်းနည်းဖွယ်ခွဲခွါမှုတွေကို ကြည့်ရှုခဲ့ရပြီးတဲ့နောက်မှာတော့ စစ်ပွဲရဲ့နောက်ဆက်တွဲဆိုးကျိုးတွေဖြစ်တဲ့ စစ်ဘေးရှောင်ရတဲ့ဒုက္ခကြောင့် တရုတ်ကနေ ထိုင်ဝမ်ကိုကူးတဲ့ ထိုက်ဖင်သင်္ဘောကြီးဟာ ရှိသင့်တဲ့တန်ချိန်ထက် အလေးချိန်တွေပိုပြီး အရှိန်မထိန်းနိုင်တဲ့အပြင် အမှုထမ်းတွေရဲ့ပေါ့ဆမှုတွေကြောင့် တခြားသင်္ဘောကိုဝင်တိုက်မိပြီး နစ်မြုပ်သွားခဲ့ရပါတယ်။ နစ်မြုပ်သွားမဲ့ ထိုက်ဖင်သင်္ဘောပေါ်မှာ ဘယ်သူတွေ လိုက်ပါလာကြမလဲ...။ စစ်ကြောင့် ရှင်ကွဲကွဲခဲ့ရတဲ့မိသားစုတွေ သင်္ဘောနစ်မြုပ်မှုကြောင့် သေကွဲကွဲရတော့မှာလား...။ ဒါမှမဟုတ် ပြန်လည်ပေါင်းစည်းခွင့်ရသွားကြမှာလား...စတာတွေကို ဇာတ်လမ်းထဲမှာ ဆက်လက်ကြည့်ရှုလိုက်ရအောင်။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။