Christopher Gardner ဆိုတဲ့လူဟာ ၁၉၈၀ ပြည့်နှစ်ဝန်းကျင် အမေရိကန် နိုင်ငံမှာ နေထိုင်ခဲ့တဲ့ လူတစ်ယောက်ပေါ့။ သူ့ရဲ့ မိန်းမ Linda နဲ့ရထားတဲ့ Christopher လို့ပဲနာမည်ပေးထားတဲ့ ငါးနှစ်အရွယ်သားလေး တစ်ယောက်ရှိတယ်။ Chris တို့မိသားစုဟာ အမှန်တော့ တော်တော်လေး ရုန်းကန်နေရတဲ့ မိသားစုလေးပါ။ ၁၉၈၀ ခုနှစ်များက အမေရိကန်နိုင်ငံရဲ့ စီးပွားရေးပျက်ကပ်ကို ခါးဆီးခံခဲ့ရတဲ့ အောက်ခြေလူတန်းစားတွေထဲမှာ Chris တို့မိသားစုအပါအဝင်ပေါ့။ အိမ်လခလည်း မှီအောင်မပေးနိုင်၊ အခွန်လည်း မဆောင်နိုင်၊ ကားတစ်စီးရှိတာတောင်မှ Parking ကြေးတွေ မပေးနိုင်တော့လို့ အသိမ်းခံရ၊ ဒီလို ဒုက္ခတွေကြားထဲမှာ Chris ရဲ့ ခိုင်မာတဲ့ ဆုံးဖြတ်ချက်ကတော့ သူ့ရဲ့အဖေသူ့ကိုပြစ်သွားခဲ့သလိုမျိုး သူရဲ့သားငယ်လေး Christopher ကို ဘယ်တော့မှ မစွန့်ပစ်ခဲ့ဖို့ပါ။ တစ်စ တစ်စ ပိုမိုခက်ခဲလာပြီး လုံးဝနောက်ဆုံးအခြေအနေထိရောက်နေတဲ့ Chris တစ်ယောက်ဟာ ဘယ်လို စိတ်ဓာတ်၊ ဘယ်လို အားမန်တွေနဲ့ ဘဝကိုပြောင်းလဲပစ်မလဲ။ တစ်ကယ်ရှိခဲ့တဲ့ Christopher Gardner ရဲ့ ဘဝမှာ အဆိုးရွားဆုံးအခြေအနေတွေကို ရုပ်ရှင်အဖြစ် the Pursuit of Happyness ဆိုတဲ့ကားလေးမှာတွေ့ရမှာပါ။