လျှို့ဝှက်မစ်ရှင်လုပ်ဖို့ ‌စေလွှတ်ခံရတဲ့ ရုရှားအထူးတပ်ဖွဲ့ဝင် ဒုဗိုလ်နဲ့ သူချေမှုန်းရမယ့် ကူဘန်တွေကြားက ဆက်နွယ်မှုကို တွေ့ရမယ့် စစ်အက်ရှင်ကားဖြစ်ပါတယ်။ 1980 ကျော်ဝန်းကျင်မှာ ရုရှားတွေလက်က လွတ်မြောက်ဖို့ တိုက်ပွဲဝင်နေတဲ့ အာဖရိကတိုက်က ကူဘန်တွေရဲ့ တော်လှန်ရေးတပ်ခေါင်းဆောင် ဆွန်ဒါတာကို သုတ်သင်ဖို့ ရုရှားဗိုလ်ချုပ်က သူတို့ရဲ့အတော်ဆုံးစစ်သည်တော် နီကိုလိုင်ကို လွှတ်လိုက်ပါတယ်။ သူ့မစ်ရှင်က ဆွန်ဒါတာရဲ့အကြံပေး ကာလွန်ဒါကို ရှာပြီး အဲ့လူကတစ်ဆင့် ဆွန်ဒါတာဆီရောက်အောင်သွားဖို့ပါ။ ဒီအတွက် ကာလွန်ဒါသူ့ကို ယုံကြည်အောင် သိမ်းသွင်းဖို့လည်းပါပါတယ်။ ကာလွန်ဒါရဲ့ယုံကြည်မှုရအောင် ကြံစည်ပြီး သူတို့နေရာကို ရောက်သွားတဲ့အခါမှာတော့ နီကိုလိုင်က ဖိနှိပ်ခံရသူအစစ်က ဘယ်သူတွေလဲဆိုတာ သိလာပါတယ်။ ဒါကြောင့် မစ်ရှင်မအောင်မြင်ဘဲ သူ့တပ်က ဖမ်းဆီးတာကို ခံရပါတယ်။ ဒါမဲ့ အမှန်တရားကို သဘောပေါက်သွားတဲ့ နီကိုလိုင်က အဖိနှိပ်ခံကူဘန်တွေနဲ့ ပူးပေါင်းပြီး ရုရှားတွေကို ပြန်တိုက်ထုတ်တာကို(အပြင်မှာတော့ မဖြစ်နိုင်လောက်ပေမယ့်) ကြည့်ရှုအားပေးရမှာပါ။ ဒီဇာတ်ကားအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်