ဒီကားလေးကတော့ ထောင်တွင်းထိုးသတ်ပွဲအကြောင်းရိုက်ကူးထားတဲ့ကားလေးဖြစ်ပါတယ်။ ရရှားနိုင်ငံရဲ့ထောင်တစ်ခုမှာ ဆိုက်ကိုဆိုတဲ့ဖိုက်တာ တစ်ယောက်က ပွဲတိုင်းကိုနိုင်ပြီး အရမ်းကြမ်းနေတယ်။ ဘွိုင်ကာဆိုတဲ့ ဖိုက်တာကတော့ ဒူးတစ်ဖက်ကျိုးသွားတာကြောင့် ဖိုက်တာလောကကနေ အနားယူနေရတယ်။ ဘွိုင်ကာဟာ လွတ်ဖို့အတွက်အသနားခံစာတင်ပေမယ့် အပယ်ချခံလိုက်ရတာကြောင့် ပြန်ထိုးဖို့ကိုပဲ စဥ်းစားခဲ့တယ်။ သူဟာ ဒူးတစ်ဖက်မကောင်းတာကြောင့် နိုင်မယ်လို့မထင်ပေမယ့် ဆိုက်ကိုကိုအနိုင်ယူပြီး အပြည်ပြည်ဆိုင်ရာ ထောင်တွင်းထိုးသတ်ပွဲကို ထပ်ပြီးယှဥ်ပြိုင်ရပါတယ်။ ဒီပြိုင်ပွဲမှာ အနိုင်ရသူက လွတ်မြောက်ခွင့်ရရှိမှာဖြစ်ပြီး အမေရိကန်ကဖိုက်တာ တာဘိုနဲ့ ကိုလံဘီယာကဖိုက်တာ ရာအူးကင်ညွန်ဆိုတဲ့သူတွေလည်းပါဝင်ပါတယ်။ သူတို့ကအဆင့်ဆင့်ထိုးသတ်ရမှာဖြစ်ပြီး လူတွေက သူတို့ပွဲကိုလောင်းကြေးထပ်ကြတာလည်းဖြစ်ပါတယ်။ ဘယ်လိုတွေဖိုက်ကြလဲ အဆုံးသတ်မှာဘာတွေဖြစ်သွားလဲဆိုတာကို ကြည့်ရှုရမယ့် အက်ရှင်ကားကောင်းလေး တစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Adrian ဖြစ်ပါတယ်