ဇာတ်လမ်းနာမည်နဲ့တင်ကြွေသွားမယ်။ ကျန်းကျန်းမာမာနေနိုင်ဖို့ ကုထုံးပေ့ါ။ ဒါပေမယ့် ဒီကားကိုကြည့်လိုက်ရင်တော့ မကျန်းမာပါဘူး။ တော်တော် စိတ်လှုပ်ရှားရမယ်။ ဇာတ်ကားက Fantasy/Mystery ပေ့ါ။ စိတ်ဝင်စားဖို့ကောင်းတယ်၊ ဆိုက်ကိုဆန်တယ်။ ဇာတ်လမ်းက နည်းနည်းဆန်းတယ်။ ကမ္ဘာပေါ်မှာရှိတဲ့ ပိုက်ဆံရှိပေ့ဆိုတဲ့လူတိုင်းက ဆွစ်ဇလန်တောင်တန်းတွေမှာဖွင့်ထားတဲ့ ဆေးခန်းတစ်ခုကို အမြဲသွားကြတယ်။ အဲဒီမှာ ဖြစ်နေတဲ့ရောဂါတွေကို ပျောက်အောင်ကုပေးနိုင်သလို၊ တစ်ကယ်ကို relax လုပ်နိုင်တဲ့နေရာပေ့ါ။ ဒါပေမယ့် ခက်တာက အဲဒိနေရာကနေဘယ်သူမှ ပြန်မလာကြတော့တာပဲ။ မင်းသားက သူ့ CEO ကို အဲဒီနေရာကနေပြန်သွားခေါ်ရတာ။ ကုမ္ပဏီရောင်းတဲ့ ကိစ္စနဲ့ပတ်သက်ပြီး CEO ရဲ့လက်မှတ်လိုတော့ သူကလိုက်သွားရတာပေ့ါ။ ဟိုသကောင့်သားကလည်း ကုမ္ပဏီကို ဂရုကိုမစိုက်တော့တာ။ ဟိုမှာသာယာတာကိုး။ မင်းသားလည်း ဒီဘဲဒီလောက်တောင် ရှိလှ အဲဒီနေရာကဘာလဲဆိုပြီး လိုက်သွားတော့မှ လျှို့ဝှက်ချက်တွေ၊ သူတို့ရဲ့ ကုထုံးတွေကိုတွေ့ရတော့တယ်။ အဲဒီမှာ စတိုင်ပတ်တာပဲ။ သူကိုယ်တိုင် ရူးသွားပါရော။ Shutter Island ကြိုက်ရင် ဒီကားကိုလည်း ကြိုက်မှာသေချာတယ်။ ဇာတ်လမ်းကခိုင်မာပါတယ်။ အခုလို အေးစိမ့်စိမ့်ရာသီမှာ ဒီလိုကားမျိုးကြည့်ရတာ ဇိမ်ပဲ။ ဇာတ်လမ်းထဲမှာ ပြထားတဲ့ ကုထုံးတွေက အဆန်းကြီးတွေ။ အပြင်မှာလည်း အဲဒါတွေမရှိဘူး။ လျှို့ဝှက်သည်းဖို ကြိုက်ရင် ကြည့်လိုက်ပါ