App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Into the Storm လေးကိုဘာသာပြန်တင်ဆက်ပေးလိုက်ပါတယ် ၂၀၁၄ ခုနှစ်ထွက် သဘာဝဘေးအန္တရာယ်အကြောင်းရိုက်ကူးထားတဲ့ Action/ Thriller ဇာတ်လမ်းကားကောင်းတစ်ခု ဖြစ်ပါတယ်။ ပိထ်၊ လူးကတ်စ်၊ ဒေးလ်နဲ့ ဂျေကော့တို့က မုန်တိုင်းနဲ့ပတ်သက်ပြီး မှတ်တမ်းတင်ဇာတ်လမ်းတစ်ပုဒ်ကို ရိုက်ကူးနေကြတာ ဖြစ်ပြီး အယ်လီဆင် (Sarah Wayne Callies) ကတော့ သူတို့အဖွဲ့အတွက် ဒေတာရှာပြီး မုန်တိုင်း အဓိကတိုက်ခတ်မယ့်နေရာကို တွက်ချက်ပေးရသူပါ။ လေဆင်နှာမောင်းဝင်မယ့်နေရာကို ရှာဖွေရင်း မိုးလေဝသဌာနက အိုကလာဟိုးမားအပါအဝင် မြို့ငါးမြို့တလျှောက် မုန်တိုင်းဝင်မယ့်သတင်းကို ကြေညာပြီး မိုးကြိုးမုန်တိုင်းတွေကလည်း ထန်လာတဲ့အခါ အယ်လီဆင်တစ်ယောက် ဆေဗာတန်မြို့မှာလေဆင်နှာမောင်းဝင်လိမ့်မယ်လို့ တွက်ချက်မိပြီး သူတို့ တစ်ဖွဲ့လုံး အဲ့ဒီမြို့ကို ဦးတည်သွားပါတော့တယ်။တစ်ဖက်မှာတော့ ဂယ်ရီ (Richard Armitage) က သားနှစ်ယောက်အဖေ ဖြစ်ပြီး ဆေဗာတန်မြို့ရဲ့အထက်တန်းကျောင်းက ဒုကျောင်းအုပ်ပါ။ အထက်တန်းကျောင်းမှာ ဘွဲ့နှင်းသဘင်အခမ်းအနားပြုလုပ်မယ့်နေ့မှာ မုန်တိုင်းသတိပေးချက်များ ထုတ်ပြန်လာတဲ့အတွက် ဂယ်ရီက ပွဲကိုနောက်ဆုတ်ဖို့ပြောပေမယ့် ကျောင်းအုပ်ကြီးက လက်မခံတဲ့အတွက် အခမ်းအနားကို ဆက်လုပ်နေတဲ့အချိန်မှာ .....ဆေဗာတန်မြို့မှာ လေဆင်နှာမောင်းကြီး နှစ်ခု ဖြစ်လာပြီး ပေါင်းစည်းသွားကာ အထက်တန်းကျောင်းကိုဦးတည်လာပါတော့တယ်။ သဘာဝဘေးအန္တရာယ်ကို ပြသတဲ့ အက်ရှင်ကားပီပီ ရုပ်ရှင်တစ်ကားလုံး ပျင်းရိချိန်မရှိလောက်အောင်ရင်တမမနဲ့ ကြည့်ရှုရမယ့် ဇာတ်လမ်းကောင်းတစ်ကား ဖြစ်ပါတယ်။ (အညွှန်းရေးသားသူနဲ့ ဘာသာပြန်သူကတော့ Leon K Zaw ဖြစ်ပါတယ်။)