ဒီဇာတ်ကားလေးက စူပါဟီးရိုးကားတွေကြိုက်နှစ်သက်သူတွေအဖို့ အသစ်ထွက်ရှိလာတဲ့ Animation, Action, Adventure ဇာတ်ကားလေးပါ။ ဇာတ်လမ်းအကျဉ်းကတော့ ဂျက်စတစ်လိဂ်တစ်ဖွဲ့လုံးဟာ မျှော်စင်ကျွန်းဆိုတဲ့နေရာကို အပို့ခံလိုက်ရပြီး အားလုံးဆယ်ကျော်သက်တွေဖြစ်ကုန်တဲ့အပြင် အစွမ်းတွေပါသုံးလို့မရတော့တဲ့အခြေအနေကိုရောက်သွားပါတယ်။ အဲဒီတော့ သူတို့ဟာ ကမ္ဘာသစ်မှာအသားကျဖို့ကြိုးစားရင်း အစွမ်းရှိတဲ့တခြားအဖွဲ့တစ်ဖွဲ့နဲ့ဆုံခဲ့ပါတယ်။ အဲဒီတော့ ဂျက်စတစ်လိဂ်အဖွဲ့ဟာ ဘာမှန်းမသိတဲ့ကမ္ဘာကြီးကိုရောက်လာတဲ့ အကြောင်းအရင်းနဲ့ အိမ်ပြန်မယ့်နည်းလမ်းရှာကြရင်း ဒီကိစ္စတွေရဲ့နောက်ကွယ်ကကြိုးကိုင်သူကို ဖော်ထုတ်နိုင်ပါ့မလားဆိုတာ အရမ်းမိုက်တဲ့အက်ရှင်ခန်းတွေနဲ့ ကြည့်ရှုရမယ့် ဇာတ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။