Plot Twist တွေ မြှုပ်ကွတ်တွေကို ကြိုက်နှစ်သက်တဲ့သူတွေအတွက် လာပါပြီ
ဂျပန်ဇာတ်ကားကောင်းလေးလွန်ခဲ့တဲ့သုံးလမှာ ချစ်သူနဲ့ချစ်သူဗိုက်ထဲက
ကလေးကို ဆုံးရှုံးထားရတဲ့ ဆရာဝန်ရှုဂို တစ်ယောက် နာလန်ထဆေးရုံမှာ
စီနီယာတစ်ယောက်ကိုယ်စား တာဝန်ချိန်ဆင်းပေးဖို့ ညနေပိုင်းလောက်မှာ ရောက်ရှိနေပါတယ်
ဆေးရုံကြီးဟာ ယခင်ကစိတ္တဇဆေးရုံဟောင်းကြီးဖြစ်လို့ လှေကားခြေရင်းမှာ
ပိတ်ဖွင့်လို့ရတဲ့ သံတံခါးရယ် အသုံးမပြုဘူးဆိုတဲ့ခွဲစိတ်ခန်းရယ်
စသဖြင့် ထူးထူးဆန်းဆန်းတွေရှိနေခဲ့ပါတယ်
ထိုညနေခင်းမှာ လူပြက်မျက်နှာဖုံးကိုဝတ်ဆင်ထားတဲ့ ဓားပြတစ်ယောက်ဟာ
စတိုးဆိုင်တစ်ဆိုင်ကို ဝင်ရောက်လုယက်ပြီး ကောင်မလေးတစ်ယောက်ကို
ဓားစာခံအနေနဲ့ ဆွဲခေါ်သွားခဲ့ပါတယ်
ထိုသတင်းကိုတီဗီသတင်းမှာကြည့်မိနေစဉ် တာဝန်ကျသူနာပြုက လှမ်းခေါ်၍
ဆင်းကြည့်လိုက်တဲ့အခါ ဒဏ်ရာရထားသောဓားစာခံနဲ့
တရားခံလူပြက်ကောင်ဟာ ဆေးရုံထဲရောက်နေကြပါတယ်
တရားခံမှ ဓားစားခံကို အတင်းဒဏ်ရာကြည့်ခိုင်းပြီး
အတင်းအကျပ် ခွဲစိတ်ခန်းကိုဖွင့်ခိုင်းရာမှ မကြာခဏအသုံးပြုထားပုံရပြီး
ကိရိယာအစုံအလင်ရှိတဲ့ ခွဲစိတ်ခန်းကြီးကို အံ့ဩဖွယ်တွေ့လိုက်ရလို့
ရှုဂိုတစ်ယောက် ကြုံတွေ့နေရတဲ့ အဖြစ်အပျက်တွေနဲ့ ဘယ်လိုသုံးသပ်မလဲ
လူပြက်မျက်နှာဖုံးနဲ့တရားခံရဲ့ တကယ့်ရည်ရွယ်ချက်ကဘာလဲ
နာလန်ထဆေးရုံကြီးရဲ့ ဖုံကွယ်ထားတဲ့အရာတွေက ဘာတွေဖြစ်မလဲဆိုတာကိုတော့ . .
ဒီဇာတ်ကားကိုဘာသာပြန်ပေးသူကတော့ Nyi Nyi ဖြစ်ပါတယ်