1951 ခုနှစ်မှာ ထွက်ရှိခဲ့တဲ့ Daphne du Maurier ရဲ့ စာအုပ်ဖြစ်ပါတယ် Philips ဟာ မိဘမဲ့တယောက်ဖြစ်တဲ့အတွက် သူ့အကိုဝမ်းကွဲ Ambrose က သူ ခုနစ်သားထဲက ခေါ်ယူစောင့်ရှောက်ထားတယ်။ Ambrose ဟာ Philips ရဲ့ တဦးတည်းသော အားထားရဆုံးသူ။ ငွေကြေးပြည့်စုံပြီး မြေယာတွေပိုင်ဆိုင်ထားတဲ့ Ambrose ရဲ့ အားနည်းချက်က ကျန်းမာရေး။ ကျန်းမာရေးကြောင့်ပဲ Ambrose ဟာ အင်္ဂလန်မှာ စိုထိုင်းတဲ့ အချိန်တွေမှာ တခြားနေရာကိုခရီးထွက်ပြီး ရာသီဥတု ဒဏ်ကို ရှောင်လေ့ရှိတယ်။ ရာသီဥတု အရှောင်ကောင်းရင်း သူ့ဆွေမျိုးနီးစပ် Rachelဆိုတဲ့ မိန်းကလေးနဲ့တွေ့ဆုံရင်း လက်ထပ်ဖြစ်ခဲ့ကြတယ်။ Ambrose ဆီကနေ Philips ဆီကို သူလက်တလော ပြန်လာဖြစ်မှာမဟုတ်ကြောင်း Rachel ရှိရာ Florence မှာပဲနေဖြစ်မှာဖြစ်ကြောင်းစာလာခဲ့တယ်။ Ambrose ဆီက စာတွေကတော့ ပုံမှန်လာခဲ့ပါတယ် ။ တစတစတော့ စာတွေက ပြောင်းလဲလာခဲ့တယ် ။ ပထမ စာတွေမှာတော့ ရာသီဥတု နေရောင်ခြည်ရဲ့ အငွေ့အသက်တွေ ။ တဖြည်းဖြည်း နဲ့ စာထဲမှာ Ambrose ရဲ့ ဆိုးဝါးလာတဲ့ ကျန်းမာရေး အခြေအနေတွေ က များလာခဲ့တယ် ။ Rachel ရဲ့ အပြုအမူတွေလဲ တစတစပါလာခဲ့တယ် ။ Brain Tumor လို့ရောဂါအမည်ပါ Ambrose ရဲ့ သေခြင်းတရားလက်တကမ်းကို ဖော်ပြထားတဲ့ စာတစောင် Philips ဆီရောက်လာခဲ့တယ် ။ Philips ချက်ချင်း လိုက်သွားခဲ့တယ်။ Ambrose ရဲ့ ရုပ်အလောင်းသာတွေ့မြင်ခဲ့ရတယ် ။ Ambrose ဘေးမှာ Rachel က တော့ မရှိ ။ Ambrose ပိုင်ဆိုင်တဲ့ Cornwall estate တခုလုံးကို Philips ကို လွှဲပေးခဲ့တဲ့ သေတမ်းစာကိုတော့ Philips ရလိုက်တယ်။Philips ဟာ အမွေဆက် ခံသူပေါ့ .......... Ambrose သေပြီးသိပ်မကြာပါဘူး မုဆိုးမ Rachel တယောက် Philips နေထိုင်ရာ Cornwall ကို ဆိုက်ဆိုက်မြိုက်မြိုက် ရောက်လာခဲ့ပါပြီ ။ ....... သူမရဲ့ ရည်ရွယ်ချက် က ဘာလဲ .... ဒါပေမဲ့ Philips ဆီကို Ambrose မသေခင်သုံးလအလိုက ရေးခဲ့တဲ့စာတစောင်ရောက်လာချိန် မှာတော့................................... ဘာတွေဆက်ဖြစ်ကြမလဲဆိုတာ