ဟောလိုးဝင်းညမှာ လူတွေကို အနားမှာရှိတဲ့လက်နက်ကိုင်ပြီး ရက်စက်စွာသတ်ဖြတ်တတ်တဲ့ လူကောင်ကြီးကြီးနဲ့ မိုက်ကယ်မိုင်ယာကြီးကိုတော့ မသိတဲ့လူ ရှိမယ်မထင်ပါဘူး။ဒီဇာတ်လမ်းလေးကတော့ ၂၀၁၈ခုနှစ်ကထွက်ရှိခဲ့တဲ့ ဇာတ်လမ်းလေးပဲဖြစ်ပါတယ်။ မိုက်ကယ်တစ်ယောက် စိတ်ကျမ်းမာရေးအကျဉ်းထောင်မှာ ဖမ်းစီးခံထားရပြီး သူ့ကိုလေ့လာရေးလုပ်ချင်တဲ့ သတင်းထောက်တွေက မိုက်ကယ့်ကို အကျဉ်းထောင်မပြောင်းခင်မှာ သူ့ကိုသွားတွေ့ရင်း မျက်နှာဖုံးပြကာ စိတ်ကိုဆွပေးခဲ့ပါတော့တယ်။ အဲ့လိုကနေ အကျဉ်းထောင်ပြောင်းတဲအချိန်မှာတော့ မိုက်ကယ်က ထွက်ပြေးလွတ်မြောက်သွားပြီး လွန်ခဲ့တဲ့ နှစ်၄၀လောက်က သူမသတ်နိုင်ခဲ့တဲ့ လော်ရီစီကို အရောက်သွားဖို့ လုပ်ပါတော့တယ်။ လော်ရီကလည်း အတိတ်ကအိပ်မက်ဆိုးတွေကနေ မလွတ်မြောက်နိုင်သေးပဲ မိုက်ကယ်နောက်တစ်ကြိမ်ထပ်ရောက်လာရင် ရင်ဆိုင်နိုင်ဖို့အတွက် အစစအရာရာ ပြင်ဆင်ပြီးစောင့်နေတဲ့အချိန်မှာတော့ မိုက်ကယ်ကပဲ လော်ရီတို့မိသားစုကိုသတ်နိုင်သွားမလား လော်ရီကပဲ မိုက်ကယ့်ကို တားစီးလိုက်နိုင်မလားဆိုတာကိုတော့ ဇာတ်လမ်းလေးကို ကြည့်ရှုခံစားလိုက်ကြပါအုံး.....
ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်။