အရင်တုန်းက လူကြိုက်များခဲ့တဲ့ မင်းသားဝီလ်စမစ်ရဲ့သိပ္ပံဇာတ်ကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ ဂြိုလ်သားတွေဟာ ကမ္ဘာဂြိုလ်မှာရှိတဲ့ အရင်းအမြစ်တွေကို မက်မောပြီး ကျူးကျော်လာခဲ့ပါတယ်။ ကမ္ဘာပေါ်မှာရှိတဲ့အဓိကမြို့ကြီးတွေ တော်တော်များများကို ဖျက်ဆီးပစ်ပြီး ဂြိုလ်သားတွေက လွှမ်းမိုးထားနိုင်ခဲ့ပါတယ်။ အမေရိကန်စစ်တပ်က တိုက်လေယာဉ်တွေနဲ့တိုက်ခိုက်ပေမယ့် ဂြိုလ်သားယာဉ်ပျံမှာရှိတဲ့ ဒိုင်းကြောင့် ထိခိုက်မှုမရှိပဲ လေသူရဲတွေအများကြီးသေဆုံးကုန်ပါတယ်။ ဒီလိုနဲ့ အမေရိကန်သမ္မတဟာ လျှို့ဝှက်တည်ဆောက်ထားတဲ့ ဧရိယာ ၅၁ မှာကျွမ်းကျင်ပညာရှင်တွေနဲ့တိုင်ပင်ပြီး ဂြိုလ်သားတွေရဲ့အားနည်းချက်ကိုရှာဖွေဖို့ကြိုးစားပါတော့တယ်။ အဲဒီတော့ အဆင့်မြင့်နည်းပညာတွေကိုပိုင်ဆိုင်ထားတဲ့ ဂြိုလ်သားတွေနဲ့ လူသားတွေရဲ့စစ်ပွဲကို စိတ်ဝင်တစားကြည့်ရှုခံစားရမယ့် သိပ္ပံဇာတ်ကားကောင်းလေးတစ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။