ဟောင်ကောင်အက်ရှင်မင်းသားကြီးဂျက်ကီချန်းရဲ့ အက်ရှင်ကားကောင်းများစွာထဲမှ ဟာသအက်ရှင်ကားလေးဖြစ်တဲ့ "The Medallion"ဆိုတဲ့ကားလေးနဲ့မိတ်ဆက်ပေးပါရစေ။ ဒီကားထဲမှာဆိုရင် ဂျက်ကီချန်းက ဟောင်ကောင်ရဲအရာရှိတစ်ဦးဖြစ်ပြီး အပြည်ပြည်ဆိုင်ရာရဲတပ်ဖွဲ့နဲ့ပူးပေါင်းပြီး မှောင်ခိုသမား Snakeheadကို လိုက်လံဖမ်းဆီးနေကြတာပါ။ Snakeheadဆိုတဲ့လူဟာ ဒဏ္ဍာရီလာအစွမ်းတွေရှိနေတဲ့တံဆိပ်ပြားကိုပိုင်ဆိုင်တဲ့ကလေးတစ်ယောက်ကို ပြန်ပေးဆွဲဖို့ကြိုးစားနေတာဖြစ်ပြီး ဂျက်ကီချန်းနဲ့အဖွဲ့ဟာ ကလေးကိုကယ်ဖို့ကြိုးစားရင်း ဂျက်ကီချန်းဟာ ဆန်းကြယ်တဲ့ကိစ္စတစ်ခုနဲ့ကြုံတွေ့လိုက်ရပါတယ်။ ဘယ်လိုဆန်းကြယ်တဲ့ကိစ္စဖြစ်မလဲ...။ အဲဒီဆန်းကြယ်မှုက ပြန်ပေးဆွဲခံလိုက်ရတဲ့ကလေးနဲ့ ပတ်သက်နေမလား...။ စိတ်ဝင်စားဖို့ကောင်းတဲ့ဇာတ်အိမ်အပြင် ဟာသနဲ့ အက်ရှင်ပါရောစပ်ထားတာမို့ ကြည့်ရှူလို့ကောင်းမဲ့ဇာတ်ကားတစ်ကားဆိုတာမမှားပါဘူး။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။