ကားမတော်တဆမှုတစ်ခုကြောင့် မှတ်ဉာဏ်တွေဆုံးရှုံးသွားတဲ့ မိန်းကလေးတစ်ယောက်ဟာ မှတ်ဉာဏ်တွေပြန်ရဖို့နဲ့နာလန်ပြန်ထူလာဖို့ မိသားစုအကူအညီမလိုချင်တဲ့အခါ AIနည်းပညာနဲ့တီထွင်ထားတဲ့ အိမ်မှာနေပြီး ပထမဆုံးအစမ်းသပ်ခံမဲ့သူဖြစ်လာပါတယ်။ အဲဒီအိမ်မှာဆိုရင် လူနာကိုပြုစုစောင့်ရှောက်ဖို့နဲ့ အန္တရာယ်တစ်ခုခုကျရောက်တော့မဲ့အခါ ကြိုတင်သတိပေးနိုင်အောင် ပရိုဂရမ်ရေးဆွဲထားတာပါ။ ထင်မထားတာက လူဖန်တီးထားတဲ့နည်းပညာက သူကိုယ်တိုင်အလိုအလျောက်တုန့်ပြန်တာမျိုးရှိလာတဲ့အ​ပြင် ထည့်သွင်းထားတဲ့ပရိုဂရမ်တွေထက်ကျော်လွန်ပြီး အစမ်းသပ်ခံကောင်မလေးရဲ့ဘဝကိုဝင်ရောက်နှောင့်ယှက်မှုတွေပြုလာပါတော့တယ်။ တိုးတက်လာတဲ့နည်းပညာတွေအပေါ်အခြေခံပြီး ဇာတ်အိမ်တည်ကာရိုက်ကူးပြထားတဲ့ Sci-fic, Horror, Thriller အမျိုးအစား ကားကောင်းတစ်ကားဖြစ်ပါတယ်။ ဒီဇာတ်ကားရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။