God of Gamblers II မှာ ရန်စတွေရှိခဲ့တဲ့ အထူးစွမ်းအားပိုင်ရှင် ရှင်းနဲ့ ထိုက်ခွင်းတို့ဟာ part IIIမှာတော့ သူတို့နှစ်ယောက်ရဲ့ အလွဲတွေနဲ့ ဇာတ်အိမ်တည်ထားပါတယ်။ ရှင်းနဲ့ထိုက်ခွင်းတို့ရဲ့စွမ်းအားပြိုင်ဆိုင်မှုတွေက အထွတ်အထိပ်ကိုရောက်ရှိသွားပြီး အချိန်နောက်ပြန်ရောက်သွားတဲ့အခါ အချိန်နဲ့နေရာ​အပြောင်းအလဲကြားက ဖြစ်လာတဲ့ပြဿနာတွေနဲ့ အန္တရာယ်တွေကြားကနေ ရှင်း ဘယ်လိုရုန်းထွက်သွားမလဲ ။ သူရောက်သွားတဲ့ ၁၉၃၇ခုနှစ် ရှန်ဟိုင်းမှာတော့ ဂိုဏ်းနှစ်ခုအကြား ရန်ပွဲတွေဖြစ်နေပြီး ရှင်းက သူ့ရဲ့စွမ်းအားကြောင့်နဲ့ ဘယ်ဂိုဏ်းထဲကို ဝင်သွားမလဲ ။ ဂိုဏ်း၂ခုရဲ့ပဋိပက္ခတွေမှာ ရှင်းက ဘယ်လိုပါဝင်ပတ်သက်နေမလဲ။ အဲခေတ်ကနေ သူ့ရဲ့ခေတ်ဆီကို ရောက်အောင်ပြန်သွားနိုင်ပါတော့မလားဆိုတာကို ဒီအပိုင်းထဲမှာ စိတ်ဝင်စားဖို့ကောင်းစွာ ရိုက်ကူးပြထားပါတယ်။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။