MCU လို့ အတိုကောက်ခေါ်တဲ့ Marvel Cinematic Universe စတင်ခဲ့တာ ၁၀နှစ်ကျော်ခဲ့ပြီ ဖြစ်ပါတယ် ။ Infinity War အပြီး ပရိတ်သတ်တွေ ခန့်မှန်းချက်အရ Avenger 4 ဟာ အခုလက်ရှိ Marvel hero generation တစ်ခုရဲ့ အဆုံးသတ်ချိန်လို့ သုံးသပ်ကြပါတယ် ။ ဒီနေ့ ပြောပြချင်တာကတော့ အခုလက်ရှိ generation ရဲ့ စတင်ရာ မြစ်ဖျားခံရာ ဖြစ်တဲ့ Iron Man 1 movie အကြောင်းပဲဖြစ်ပါတယ် ။ အစိုးရဆီကို လက်နက်ရောင်းကာ ချမ်းသာကြွယ်ဝပြီး Genius ဖြစ်တဲ့ Tony Stark တစ်ယောက်ဟာ ဖခင်ဖြစ်သူတည်ထောင်ခဲ့တဲ့ Stark Industries ကို ဦးဆောင်ကာ ဘဝကို ပျော်ရွှင်စွာဖြတ်သန်းနေသူတစ်ယောက်လည်းဖြစ်ပါတယ် ။ တစ်နေ့ Afghanistan မှာ missile သွားရောက် အစမ်းပြသတဲ့ Tony Stark ဟာ သူ့ရဲ့ စစ်လက်နက် formula ကိုလိုချင်တဲ့ အကြမ်းဖက်သမားတွေရဲ့ ဖမ်းဆီးခြင်းကိုခံခဲ့ရပါတယ် ။ ထိုအချိန်မှစပြီး Tony Stark ရဲ့ ဘဝဟာ ဘယ်လိုပြောင်းလဲခဲ့တယ် Hero တစ်ယောက်ဘယ်လို ဖြစ်တည်လာခဲ့လဲဆိုတာ ကတော့ ဆက်လက်ကြည့်ရှုနိုင်ပါတယ်... . Iron Man 1 movie ဟာ 2008 ခုနှစ်မှာ ထွက်ခဲ့ပြီး ဇာတ်ကားအတွက်ကုန်ကျစရိတ် 140 million ကုန်ကျခဲ့ရာ Box office မှာ 585.2 million ရခဲ့တဲ့အထိ အောင်မြင်ခဲ့တဲ့ ဇာတ်ကားလည်းဖြစ်ပါတယ် ။ IMDb မှာ 7.9ရထားကာ Rotten Tomatoes မှာလည်း 93% ရထားတဲ့ ဇာတ်ကားလည်းဖြစ်ပါတယ်။