ဇာတ်လမ်းအစမှာတော့ ချာယောင်ဂွန်းလို့ခေါ်တဲ့ကောင်မလေးက အယ်လ်ဇိုင်းမားဖြစ်နေတဲ့အဘွားဖြစ်သူနဲ့ အတူကြီးပြင်းလာရပြီး သူ့ကိုယ်သူ cyborgလို့ထင်နေတဲ့သူပါ။ အဲဒီလိုနဲ့ စက်ရုပ်အားကုန်လို့ အားဖြည့်မယ်ဆိုပြီး သူ့လက်ကောက်ဝတ်ကိုလှီးပြီး ဝိုင်ယာကြိုးထည့် ပလပ်ပေါက်ထိုးခဲ့တော့ သေကြောင်းကြံတယ်ထင်ပြီး အမေဖြစ်သူက သူ့ကိုစိတ်ကျန်းမာရေးဆေးရုံဆီပို့လိုက်ပါတယ်။ စိတ်ကျန်းမာရေးဆေးရုံမှာ အီဆွန်းဆိုတဲ့လူနဲ့အလွဲလေးတွေကြားက ခင်သွားကြပါတယ်။ ယောင်ဂွန်းလိုမျိုးတစ်ခုခုကိုစွဲလမ်းနေတဲ့ စိတ်ဝေဒနာရှင်တွေရဲ့ အလွဲလေးတွေကို ကြည့်ရှုရင်း ကိုယ်ကိုယ်တိုင် စိတ်ကျန်းမာရေးဆေးရုံရောက်သွားသလိုခံစားကြရမှာပါ။ ဒီကားလေးကတော့ Rainနဲ့ Im Soo Jungတို့သရုပ်ဆောင်ထားပြီး 2006ခုနှစ်ကထွက်ရှိခဲ့တဲ့ကားလေးပါ။ ဒီကားလေးကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။