ဂစ်တာအိတ်ကြီးလွယ်ထားတတ်တဲ့ သွေးအေးလူသတ်သမားတွေအကြောင်းကို မှတ်မိကြဦးမယ်ထင်ပါတယ်… မင်းသားကြီး Johnny Depp , Antonio Banderas တို့အပြင် မင်းသမီးတွေဖြစ်တဲ့ Salma Hayek နဲ့ Eva Mendes တို့လို နာမည်ကျော်တွေနဲ့ရိုက်ကူးထားတဲ့ ဒီဇာတ်ကားဟာ ဒါရိုက်တာ Robert Rodriguez ရဲ့ Mexico Trilogy ထဲကနောက်ဆုံးဇာတ်ကားပါ။ သူ့ရှေ့က ရိုက်ကူးခဲ့တဲ့ El Mariachi (1992) နဲ့ Desperado (1995) ဆိုတဲ့ ဇာတ်ကားတွေကလဲ ဒါရိုက်တာ Robert Rodriguez ရဲ့ နာမည်ကျော်ဇာတ်ကားတွေပါ။ El Mariachi (1992) ဇာတ်ကားဆိုရင် Budget $7000 သာအကုန်အကျခံခဲ့ပြီး Box Office မှာ $2 million ထိရရှိခဲ့လို့ “ဘတ်ဂျက်မရှိရင် အောင်မြင်တဲ့အနုပညာကို မလုပ်ပြနိုင်ဘူး” ဆိုတဲ့ လူစားတွေကို လက်ညှိုးထိုး ဟားတိုက်ပြနေတဲ့ ဇာတ်ကားတစ်ကားဖြစ်ခဲ့ပါတယ်။ (Mexico Trilogy ရဲ့ရှေ့ကဇာတ်ကားတွေကို ကြည့်ကြမယ်ဆိုရင် နောက်များမကြာမီ တင်ဆက်ပါ့မယ်။) အခုတော့ လူစုံတက်စုံပါဝင်ထားတဲ့ Once Upon a Time in Mexico ဇာတ်ကားလေးကို အရင်ကြည့်လိုက်ရအောင်ပါ။