ဒီတစ်ခါမိတ်ဆက်ပေးမယ့်ရုပ်ရှင်ကတော့ ၂၀၁၄ခုနှစ်ကထွက်ရှိခဲ့တဲ့ Night Crawler ဆိုတဲ့ရုပ်ရှင်ဟောင်းလေးနဲ့မိတ်ဆက်ပေးချင်ပါတယ်။ ကိုယ့်အောင်မြင်မှု၊ ကိုယ့်အကျိုးစီးပွားအတွက် ဘယ်သူသေသေငတေမာရင်ပြီးရောဆိုပြီး ဘနှဖူးသိုက်တူးမယ့်သူမျိုးတွေ ဒီလောကကြီးမှာတစ်ပုံတစ်ပင်ရှိပါတယ်။ ဒီလိုလူမျိုးတွေရဲ့အန္တရာယ်ကိုပုံဖော်ရိုက်ကူးထားတဲ့ Thriller & Crime ရုပ်ရှင်ကား Night Crawler မှာတော့အကြံကြီးပြီး အောင်မြင်ဖို့အတွက်ဆိုဘာမဆိုလုပ်ဝံ့တဲ့ လူးဝစ်ဘလွန်းမ်ဆိုတဲ့လူတစ်ယောက်ဟာ မြို့အတွင်းဖြစ်ပျက်သမျှရာဇဝတ်မှုအားလုံးကို ရဲတွေထက်တောင်အရင်ဦးအောင်သွားပြီး ရုပ်သံဌာနတွေဆီရောင်းစားတဲ့အလုပ်ကိုလုပ်ပါတယ်။ အရင်းအနှီးနည်းနည်းနဲ့စခဲ့တဲ့ဒီလုပ်ငန်းကို အောင်မြင်အောင်ဆောင်ရွက်ဖို့ ဘယ်လိုယုတ်မာတဲ့အကျင့်စရိုက်တွေကို အပြုံးချိုချိုတွေအောက်မှာဖုံးကွယ်ထားမလဲဆိုတာ... ဒီဇာတ်ကားအတွက်ဘာသာပြန်နဲ့အညွှန်းရေးသူကတော့ Erika Sean ဖြစ်ပါတယ်။