App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Enemy of the State လေးကိုဘာသာပြန်တင်ဆက်ပေးလိုက်ပါတယ် Will Smithရဲ့ 1998 က IMDB 7.3/10 ရထားတဲ့ Action ကားကောင်းတစ်ကားပါ။ Will က အလုပ်သမားရှေ့နေ ရောဘက်ဒင်းန်အဖြစ် သရုပ်ဆောင်ထားပြီး အစိုးရလူကြီးတွေနဲ့ နိုင်ငံရေးအရှုပ်တော်ပုံထဲ ဘုမသိဘမသိပါသွားရာကနေ လွတ်မြောက်ဖို့ ကြံရဖန်ရတာကို စိတ်လှုပ်ရှားစရာ အားပေးရမှာပါ။ လူသတ်မှုကျူးလွန်နေတာကို ဓာတ်ပုံဆရာတစ်ယောက်ရဲ့ကင်မရာက ရိုက်မိထားတဲ့အတွက် အဲ့ဗီဒီယိုကို ရအောင်ယူဖို့က ဦးစားပေးဖြစ်လာပါတယ်။ ဓာတ်ပုံဆရာကလည်း ယခင်ကတက်ကြွလှုပ်ရှားသူဖြစ်လို့ tape ကို သတင်းစာတိုက်ကိုပေးဖို့ အသွား agent တွေနောက်ကလိုက်လာပါတယ်။ အဲ့မှာ ဒင်းန်နဲ့ဆုံပြီး ဒင်းန်ရဲ့အိတ်ထဲကို ထည့်ပေးလိုက်ပြီးတဲ့နောက် ကားတိုက်ခံရပြီး ဆုံးသွားပါတယ်။ N.S.A agent တွေက သူတို့စောင့်ကြည့်ရေးစနစ်ကို လက်တွေ့အသုံးချပြီး ဒင်းန်လက်ထဲ tape ရောက်သွားတာတွေ့တဲ့အတွက် ကင်မရာတွေ အဆင့်မြင့်နည်းပညာတွေကတစ်ဆင့် ဒင်းန်ရဲ့ဘဝထဲကို ဝင်လာပါတော့တယ်။ ဒင်းန်ဆီက အခွေရဖို့ နည်းမျိုးစုံနဲ့နှောင့်ယှက်တဲ့အတွက် အလုပ်လည်းပြုတ် မိန်းမပါအထင်လွဲခံရပြီး ပြေးလွှားနေရင်း N.S.A agent ဟောင်းတစ်ယောက်နဲ့ဆုံပြီး ဒီလူတွေကို ပြန်ထောင်ချောက်ဆင်ဖို့ ကြိုးပမ်းပါတော့တယ်။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။