App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Drag Me to Hell လေးကိုတင်ပေးလိုက်ပါတယ်။ Horror ကားကိုမှ သရဲခြောက်တာမျိုးမဟုတ်ဘဲ ကျိန်စာတိုက်တာ‌တွေ စတေးတာတွေပါတဲ့ အမျိုးအစားဖြစ်ပါတယ်။ ဘဏ်က ချေးငွေအရာရှိဖြစ်တဲ့ ခရစ္စတင်းဟာ အလုပ်ကြိုးစားပြီး လက်ထောက်မန်နေဂျာရာထူးအတွက် လျာထားခံရသူပါ။ ဒါမဲ့ လူသစ်ရောက်လာတဲ့အချိန် အပြိုင်အဆိုင်ဖြစ်လာပါတယ်။ ခရစ္စတင်းမှာ ကလေဆိုတဲ့ ချစ်သူရှိပြီး မိဘတွေနဲ့တွေ့ရတော့မှာပါ။ ကြောက်စရာကိစ္စတွေကတော့ အဘွားကြီးတစ်ယောက်က ချေးငွေမဆပ်နိုင်လို့ အိမ်သိမ်းခံရတာကို ဘဏ်မှာလာပြောတဲ့အချိန် ခရစ္စတင်းနဲ့တွေ့ပြီး မကျေမလည်ဖြစ်ခဲ့ရာကနေ စပါတယ်။ ကားပါကင်မှာ ခရစ္စတင်းအိမ်ပြန်တာကိုစောင့်ပြီး အသေအကျေတိုက်ခိုက်ကြရင်း အဲ့အဘွားကြီးက ခရစ္စတင်းကို ကျိန်စာတိုက်ခဲ့ပါတယ်။ အဲ့နောက်ပိုင်း သွေးပျက်စရာအဖြစ်တွေကြုံရပြီး နတ်ဆိုးဝိညာဉ်က ‌သူ့ကိုစားသုံးဖို့လာတာကို ခရစ္စတင်းတစ်ယောက် ရှင်းပစ်ဖို့ ကြိုးပမ်းတာကို ကြည့်ရမှာပါ။ မကောင်းတဲ့ စွမ်းအားကြီးဝိညာဉ်လက်ကနေ ခရစ္စတင်းလွတ်မြောက်ပါ့မလား‌ဆိုတာ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်