ဒီဇာတ်လမ်းလေးကတော့ ရိုးရှင်းတဲ့အချစ်ဇာတ်လမ်းလေးအကြောင်း ရိုက်ကူးထားတာပဲဖြစ်ပါတယ်။ နှင်းတွေဝေချိန်မှာ စတင်ခဲ့တဲ့ ဆာမာရ်ဆိုတဲ့ကောင်လေးရဲ့ အချစ်ဦး မီးရာက ဘုရားသခင်ယေရှူဆီမှာ ဆုတွေတောင်းပြီး အပေးအယူလုပ်ရတာကို သဘောကျတဲ့ကောင်မလေးပေါ့။ တစ်နေ့မှာတော့ ဆာမာရ်တစ်ယောက် မတော်တဆဖြစ်ပြီး အသက်ပျောက်လုဆဲဖြစ်စဉ်မှာ မီးရာက သခင်ယေရှူထံ "သူ့ချစ်သူကိုသာ အသက်ရှင်စေမယ်ဆိုရင် ဆာမာရ်နဲ့ ဖြတ်ပါ့မယ်" ဆိုပြီးအပေးအယူလုပ်ခဲ့ပါတယ်။ အဲ့ကနေစပြီး ဝေးကွာသွားရပြီး ဆာမာရ်တစ်ယောက် ချစ်သူနဲ့ဝေးရတဲ့ဒဏ်ကြောင့် ဒီအပေးအယူကမမျှတဘူးဆိုတာကို သက်သေပြဖို့အတွက် သေခြင်းတရားနဲ့ နေ့တိုင်းရင်ဆိုင်ဖို့ ဗုံးတွေကို စနက်တံဖြုတ်တဲ့အခါမှာ အကာအကွယ်ဝတ်စုံမပါဘဲ ဖြုတ်ခဲ့ပါတယ် ။ ဒီအချိန် ဆာမာရ်ဘဝထဲကို အကီရာဆိုတဲ့ ကောင်မလေးတစ်ဦး ဝင်ရောက်လာခဲ့ပါတယ်။ ဒီလိုဆို ဒီအချစ်ဇာတ်လမ်းလေးမှာ အကီရာက ဆာမာရ်ရဲ့ အသည်းနှလုံးကို သိမ်းပိုက်နိုင်မလား ဒါမှမဟုတ် ဆာမာရ်ကပဲ မီးရာကို ဘုရားသခင်ဆီကနေ ဆွဲခေါ်နိုင်မလားဆိုတဲ့ အချစ်ရဲ့ ခွန်အားတွေကို ကြည့်ရှူခံစားရမယ့် ဇယတ်လမ်းလေးပဲဖြစ်ပါတယ်ရှင်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။