Captain Marvel မင်းသမီး Brie Larson ပါဝင်သရုပ်ဆောင်ထားတဲ့ အမေနဲ့သားချစ်ခြင်းတရားကိုရင်ထဲထိအောင်ကွက်ကွက်ကွင်းကွင်းရိုက်ကူးထားတဲ့ 2015 ခုနှစ်တုန်းကထွက်ရှိခဲ့တဲ့ Room ဆိုတဲ့ဝက်ဝက်ကွဲအောင်မြင်ခဲ့တဲ့ဇာတ်ကားလေးကိုတင်ဆက်ပေးလိုက်ပါတယ်။IMDb Rating 8.1 အထိရရှိထားတဲ့အတွက်ကြောင့်ဇာတ်ကားမကောင်းမှာကတော့စိတ်ပူနေစရာကိုမလိုပါဘူး။ဇာတ်လမ်းအစကတည်းကဇာတ်သိမ်းသွားတဲ့အချိန်အထိဆက်မကြည့်ပဲမနေနိုင်အောင်ပရိသတ်ရဲ့စိတ်အာရုံကိုဖမ်းစားထားမှာဖြစ်တဲ့ဒရာမာဇာတ်ကားကောင်းလေးတစ်ကားပဲဖြစ်ပါတယ်။ဇာတ်လမ်းအစမှာတော့အခန်းတစ်ခန်းထဲမှာအတူတူနေထိုင်နေတဲ့ဂျက်တို့သားအမိကိုတွေ့ရမှာဖြစ်ပြီး ဂျက်ရဲ့ဘ၀တစ်လျှောက်လုံးမှာဒီအခန်းထဲကနေအပြင်ကိုတစ်ခါမှမထွက်ခဲ့ဖူးပါဘူး။ဂျက်နဲ့ထိတွေ့ဖူးတဲ့အပြင်လောကဆိုလို့လသာပေါက်လေးတစ်ခုကနေမြင်နေရတဲ့ကောင်းကင်ပြာကြီးပဲရှိပါတယ်။သူတို့အသက်ဆက်ရှင်သန်နိုင်ဖို့အတွက်နစ်ကြီးဆိုတဲ့လူကစားစရာတွေလာလာပေးပါတယ်။အမှန်တကယ်တော့ဂျက်တို့သားအမိဒီအခန်းထဲမှာပိတ်မိနေရတဲ့နောက်ကွယ်ကအဓိကတရားခံကလည်းအဲ့ဒီနစ်ကြီးပဲဖြစ်ပါတယ်။ဒီလိုနဲ့ဂျက်အသက် ၅ နှစ်ပြည့်တဲ့အချိန်မှာအခန်းလေးတစ်ခန်းထဲကမွန်းကြပ်တဲ့ဘ၀မှာရှေ့ဆက်မနေနိုင်တော့တဲ့သားအမိနှစ်ယောက်လွတ်မြောက်ဖို့အတူတူပူးပေါင်းပြီးစတင်ကြိုးစားခဲ့ကြတဲ့အခါမှာ အဲ့ဒီငရဲတွင်းကြီးထဲကနေလွတ်မြောက်နိုင်သွားကြပါ့မလားဆိုတာတွေအပြင် တခြားသောစိတ်ဝင်စားစရာကောင်းတဲ့ဇာတ်လမ်းဇာတ်ကွက်တွေကိုပါသေချာတင်ဆက်ရိုက်ကူးထားတာဖြစ်တဲ့ ဟောင်းပေမဲ့ကောင်းနေသေးတဲ့သားအမိနှစ်ယောက်ကြားက ၅၂၈ မေတ္တာဒရာမာဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်