လိုက်သမျှအမှုတိုင်းအနိုင်ရတဲ့ အောင်မြင်တဲ့ရှေ့နေ ဖလတ်ချာရိဒ် ...ရှေ့နေဆိုတဲ့အတိုင်း သူ့ရဲ့အောင်မြင်နေတဲ့အလုပ်ဟာ အလိမ်အညာတွေကိုအရင်းတည်ထားတာဖြစ်ပါတယ်။ လိမ်ပြောရတာကို ထမင်းစားရေသောက်လိုဖြစ်နေပြီး အသေးအမွှားကအစ လိမ်နေမိတဲ့ ဖလတ်ချာတစ်ယောက် သူ့ရဲ့သားဖြစ်သူ မက်စ်ကတော့ သူ့ရဲ့အလိမ်အညာတွေကို ငြီးငွေ့နေပြီး သူလိမ်နေတာတွေကိုလည်း ကလေးကအကုန်သိနေပါတယ်။ မက်စ်ရဲ့မွေးနေ့ပွဲကိုလည်း လာမယ်လို့ကတိပေးပြီး နောက်ဆုံးတော့လည်း အလိမ်အညာတွေနဲ့အဆုံးသတ်သွားတဲ့အခါ မက်စ်က စိတ်ပျက်စွာနဲ့ မွေးနေ့ဆုတောင်းတစ်ခုကို တောင်းလိုက်ပါတယ်။ အဲဒီဆုတောင်းကြောင့် ဖလတ်ချာရဲ့ဘဝကလည်း ​ဇောက်ထိုးမိုးမျှော်တွေဖြစ်ကုန်ပါတော့တယ်။ မက်စ်တောင်းလိုက်တဲ့ဆုက ဘယ်လိုဆုတောင်းဖြစ်နေမလဲ။ ဖလတ်ချာတစ်ယောက်ကရော ဘယ်လိုတွေပြောင်းလဲသွားမလဲ။ သားအဖနှစ်ယောက်ရဲ့သံယောဇဉ်နဲ့ လူတွေရဲ့လိမ်တတ်တဲ့သဘောကို ဟာသများနဲ့မြင်သာအောင် ရိုက်ကူးပေးထားတဲ့ ဇာတ်ကားတစ်ကားဖြစ်ပါတယ်။ ဒီဇာတ်လမ်းရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။