App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ The Deep House လေးကိုဘာသာပြန်တင်ဆက်ပေးလိုက်ပါတယ် နောက်ထပ် အသည်းတအေးအေးနဲ့ ကျောချမ်းစရာကြည့်ရမယ့် Diving Horror တစ်ပုဒ်ပါပဲ။ စူးစမ်းလေ့လာတဲ့ ‌ဗီဒီယိုတွေရိုက်တဲ့ YouTubers စုံတွဲနှစ်ယောက်က လူကြည့်များအောင် အရောက်အပေါက်နည်းတဲ့ ရေကန်ကြီးထဲ ဆင်းရိုက်ရာကနေ ခြောက်ခြားစရာတွေ ရင်ဆိုင်ရတာ ဖြစ်ပါတယ်။ အကျဉ်းရုံးပြောရရင် ဘန်နဲ့တီနာတို့က သရဲခြောက်တဲ့အိမ်တွေ ‌အဆောက်အဦးတွေကို လိုက်လံရှာဖွေ ရိုက်ကူးပြီး YouTube မှာတင်တဲ့သူတွေပါ။ ဒီတစ်ခေါက်မှာတော့ ကြည့်ရှုသူတစ်သန်းရဖို့ ပြင်သစ်ကသူတို့ရိုက်မယ့်ရေကန်ကို လာခဲ့ပေမယ့် အဲ့နေရာက တိုးရစ်တွေနဲ့စည်ကားပြီး ကြောက်စရာမကောင်းတော့ပါဘူး။ စိတ်ပျက်လက်ပျက်ဖြစ်သွားတဲ့ဘန်က ပီရယ်ဆိုတဲ့လူကြီးနဲ့တွေ့ပြီး လူအရောက်အပေါက်မရှိသေးတဲ့ ရေကန်ထဲမှာ အိမ်တစ်လုံးရှိတယ်ဆိုပြီး လိုက်ပို့ပေးဖို့ ဆွယ်ပါတယ်။ ရေငတ်တုန်းရေတွင်းထဲကျသလိုပဲ ရေကန်ထဲက အိမ်ကြီးဆီကို သွားဖို့ ဆုံးဖြတ်လိုက်တဲ့ ဘန်တို့စုံတွဲက ‌အိမ်ကြီးထဲမှာ သဘာဝလွန်ဖြစ်ရပ်တွေ ထူးဆန်းတဲ့ သင်္ကေတတွေ တွေ့ရကြုံရပါတော့တယ်။ ပီရယ်နဲ့ အိမ်ကြီးက ဘယ်လိုဆက်စပ်နေတာလဲ...အဲ့အိမ်ကြီးမှာ ရှေးတုန်းက ဘယ်လိုအခင်းတွေ ဖြစ်ပွားခဲ့တာလဲဆိုတာ သိချင်ရင်တော့ အခုပဲ ကြည့်လိုက်ပါလို့... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်