God of Gamblers I မှာ လောင်းကစားနတ်ဘုရားကောင်းကျွင်းရဲ့ ပါတနာဖြစ်လာတဲ့ ရှောင်သောင်ဟာ part II မှာတော့ သူ့ဆရာဆီကနေ ပညာစုံသင်ခဲ့ပြီး လောင်းကစားသူရဲကောင်းနာမည်ကိုရတဲ့အထိ အောင်မြင်လာခဲ့ပါတယ်။ ဒီအချိန်မှာပဲ အထူးစွမ်းအားတွေနဲ့ ရှင်းဆိုတဲ့ကောင်လေးကလည်း လောင်းကစားနတ်ဘုရားဆီကနေ ပညာတွေသင်ချင်လို့ ရှောင်သောင်ကိုချဉ်းကပ်ဖို့ကြိုးစားပါတယ်။ ကောင်းကျွင်းကိုမနာလိုအပုပ်ချဖို့ကြံနေတဲ့ အဖွဲ့ကလည်း ရှောင်သောင်ကိုအသုံးချပြီး လောင်းကစားနတ်ဘုရားကို နာမည်ပျက်အောင်ကြံစည်လာတဲ့အခါ ဆရာဖြစ်သူရဲ့ နာမည်ကိုမပျက်အောင် ရှောင်သောင်တစ်ယောက် ဘယ်လိုကာကွယ်သွားမလဲ ...အထူးစွမ်းအားတွေရှိနေတဲ့ ရှင်းကရော ဘယ်လိုနေရာကနေ အကူအညီဖြစ်သွားမလဲ...
ဒီဇာတ်လမ်းရဲ့အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။