တရုတ်ကားထဲကမုန်လာဥဖြူလေးနဲ့တူတဲ့ချစ်စရာကောင်းတဲ့မကောင်းဆိုးဝါး(မွန်းစတား)လေးကိုတော့တစ်နေရာရာမှာမြင်ဖူးတွေ့ဖူးကြမှာပါ။အဲ့ဒီကောင်လေးပါဝင်တဲ့ဇာတ်ကားရဲ့နာမည်ကတော့ Monster Hunt ဖြစ်ပြီး ၂၀၁၅ တုန်းကထွက်ရှိခဲ့တဲ့ဟောင်းပေမဲ့ကောင်းနေဆဲဖြစ်တဲ့ကားလေးဖြစ်တဲ့အတွက်ပြန်လည်တင်ဆက်ပေးလိုက်ပါတယ်။ဟိုးရှေးရှေးတုန်းကမကောင်းဆိုးဝါးတွေဆိုတာတကယ်ရှိခဲ့ပြီးမကောင်းဆိုးဝါးတွေနဲ့လူတွေနဲ့အတူတူနေထိုင်ခဲ့ကြတဲ့အချိန်တွေရှိခဲ့ပါတယ်။ ဒါပေမယ့်လူသားတွေရဲ့ထုံးစံအတိုင်းလိုချင်တပ်မက်မှုနဲ့လောဘတွေကြောင့်ကမ္ဘာကြီးကိုသူတို့ပဲသိမ်းပိုင်ချင်တဲ့အတွက်မကောင်းဆိုးဝါးတွေကိုအနိုင်ယူပြီးဝေးလံခေါင်ဖျားတဲ့တောင်တွေဆီပို့ခဲ့ပါတော့တယ်။အဲ့ဒီမကောင်းဆိုးဝါးတိုင်းပြည်မှာလဲဘုရင်သစ်တစ်ပါးတက်လာပြီးဘုရင်ဟောင်းအပေါ်သစ္စာရှိတဲ့မကောင်းဆိုးဝါးတွေကိုအမြစ်ပျက်ရှင်းလင်းနေတဲ့အတွက်ဘုရင်မကြီးနဲ့တခြားတိုင်းသူပြည်သားတွေထွက်ပြေးလာရပြီးလူသားကမ္ဘာထဲဝင်မရ မကောင်းဆိုးဝါးတိုင်းပြည်မှာလဲနေမရနဲ့အခက်အခဲဖြစ်နေပါတော့တယ်။အဲ့ဒီအခက်အခဲတွေကိုဘုရင်မကြီးလွယ်ထားတဲ့မကောင်းဆိုးဝါးဘုရင်လေးကပဲဖြေရှင်းပေးနိုင်မှာဖြစ်ပြီးသူ့ကိုဘေးကင်းကင်းနဲ့အောင်အောင်မြင်မြင်မွေးဖွားပေးနိုင်ဖို့လူသားရွာလေးတစ်ရွာကိုရောက်လာပြီးနောက်မှာတော့ဘာတွေဆက်ဖြစ်မယ်ဆိုတာကိုကြည့်ရှုရမဲ့ဇာတ်ကားလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်