ဒီကားလေးကတော့ 2006ခုနှစ်ကထွက်ရှိခဲ့တဲ့ Tazza: The High Rollersရဲ့အဆက်လေးပါ။ ဒီမှာပဲ တင်ထားပြီးသားဖြစ်တဲ့ အဲဒီကားလေးကိုကြည့်ဖူးရင်တော့ ဂိုနီက နတ်ဘုရားလက်ပိုင်ရှင်လို့တင်စားရလောက်အောင် တော်တဲ့ လောင်းကစားသမားမှန်းသိကြမှာပါ။ ဒီကားလေးမှာတော့ ဂိုနီရဲ့တူဖြစ်သူ ဟန်ဒယ်ဂီရဲ့ ဇာတ်ကြောင်းကိုရိုက်ပြထားတာပါ။ ဟန်ဒယ်ဂီဆိုတဲ့ကောင်လေးဟာ သူ့အဘိုးဖြစ်သူ လောင်းကစားလုပ်ရင်းအနိုင်ကျင့်ခံရတာကိုကူညီရင်း လူတစ်ယောက်ကို ဓားနဲ့ထိုးမိတဲ့အတွက် မွေးရပ်မြေကနေ ထွက်ပြေးခဲ့ပါတယ်။ ဒီလိုနဲ့ ချာလီဆိုတဲ့ သူငယ်ချင်းနဲ့ပြန်ဆုံပြီး ချာလီကျေးဇူးနဲ့ အလုပ်ရသွားခဲ့ပါတယ်။ သူဌေးဖြစ်သူကလည်း သူ့ကိုယုံကြည်တာကြောင့် ချာလီနဲ့ သူ့အထက်လူကြီးတွေက ဒယ်ဂီကို အကောက်ကြံခဲ့တဲ့အချိန်မှာ သူဌေးကပါအထင်လွဲသွားပြီး အသက်လုပြီး ပြေးခဲ့ရပါတော့တယ်။ ဒီလိုနဲ့ သူ့ဘဝဇာတ်ကြောင်းက ဘာတွေဆက်ဖြစ်လာမလဲ? ဦးလေးဂိုနီနဲ့အကျင့်တူပြီး လောင်းကစားကြိုက်တဲ့ဒယ်ဂီတစ်ယောက် ဘယ်လိုတွေမွှေသွားမလဲဆိုတာ ကြည့်ကြရမှာပါ။ ဒီကားလေးမှာတော့ ဒယ်ဂီနေရာကို ချစ်စနိုးနဲ့ခေါ်နေကျ ကိုထိပ် T.O.Pကနေ ပါဝင်သရုပ်ဆောင်ထားပြီး ကျန်တဲ့ female leadနေရာမှာတော့ မမလှလှတွေဖြစ်တဲ့Shin Se Kyungနဲ့ Lee Honeyတို့က ပါဝင်သရုပ်ဆောင်ထားကြပါတယ်။ ဒီကားကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။