ဒီကားလေးက ၁၉၉၄ခုနှစ်ထွက် ဟောင်ကောင် ဟာသသိုင်းကားလေးပဲဖြစ်ပါတယ် ဆရာဝန်ဖြစ်တဲ့ သူ့အဖေနဲ့ ခရီးကနေပြန်လာတဲ့ ဝုန်ဖေးဟုန်ဟာ သူတို့ဝယ်လာတဲ့ ဂျင်ဆင်းကို ရထားဂိတ်မှာ အခွန်မပေးချင်လို့ ဉာဏ်နီဉာဏ်နက်ထုတ်ပြီး အခွန်ရှောင်ဖို့ကြိုးစားပါတော့တယ် ဘယ်လိုလုပ်တာလဲဆိုတော့ အခွန်ပေးစရာမလိုတဲ့ အင်္ဂလန်သံအမတ်ရဲ့ အိတ်ထဲကို သူ့ဂျင်ဆင်းကို ထည့်လိုက်တာပါ ဒါပေမဲ့ဖြစ်ချင်တော့ အဲဒီသံအမတ်ဆီက ပစ္စည်းခိုးဖို့လာတဲ့ အဖွဲ့တစ်ဖွဲ့က ဖေးဟုန်ရဲ့ ဂျင်ဆင်းကို မှားယူသွားပါတော့တယ် ဖေးဟုန်ကတော့ အဲဒီအဖွဲ့က ခိုးဖို့လုပ်ထားတဲ့ သံအမတ်ရဲ့ပစ္စည်းကို မှားယူမိတာပေါ့ အဲဒီပစ္စည်းက ဘာဖြစ်မလဲ ပစ္စည်းပျောက်လိုက်ရှာတဲ့အခါ ဖေးဟုန်ကရော လွတ်နိုင်ပါ့မလား ဟိုအဖွဲ့ကရော အဲဒီပစ္စည်းကို ဘာလို့ခိုးချင်တာလဲဆိုတာကိုတော့ ဒီကားလေးမှာ ဆက်လက်ကြည့်ရှုနိုင်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Maria ဖြစ်ပါတယ်