ဝေးလံခေါင်ဖျားတဲ့လူသူကင်းဝေးတဲ့ကျွန်းပေါ်မှာတံငါသည်ရွာလေးတစ်ရွာရှိပါတယ်။အဲ့ဒီရွာကရွာသူရွာသားတွေကအချင်းချင်းရိုင်းပင်းကူညီကြပြီးဆိုးတူကောင်းဖက်အတူတူဖြတ်သန်းလာခဲ့ကြတာဖြစ်ပါတယ်။တစ်နေ့မှာတော့အဲ့ဒီရွာကိုမွေးကင်းစကလေးမလေးတစ်ယောက်ကလှေပျက်တစ်စီးနဲ့ရောက်လာပါတော့တယ်။အဲ့ဒီကလေးမလေးကိုအိုင်လာလို့နာမည်ပေးခဲ့ကြပြီး ရွာသူကြီးခေါ်မြို့တော်ဝန်တို့လင်မယားတို့ကမွေးစားခဲ့ကြပါတော့တယ်။ဖြစ်ချင်တော့အဲ့ဒီကလေးမလေးကသာမန်ကလေးတစ်ယောက်မဟုတ်ပဲ သူ့ပတ်ဝန်းကျင်ကအရာတွေအားလုံးအတွက်ကောင်းမွန်ခြင်းတွေသယ်ဆောင်လာပေးနိုင်တဲ့ပါရမီပါသူတစ်ဦးဖြစ်နေပါတော့တယ်။ရှင်းရှင်းပြောရရင်တော့လူတွေကိုကုသပေးနိုင်တဲ့အစွမ်းတို့ ငါးထွက်ဖမ်းကြတဲ့အခါသူပါလာရင်ငါးလုံး၀မမိရာကနေငါးတွေအများကြီးမိတာတို့အစရှိတဲ့အစွမ်းတွေရှိနေတာပဲဖြစ်ပါတယ်။အဲ့ဒီအစွမ်းတွေကြောင့်ပဲရွာသူရွာသားတွေကအဲ့ဒီကလေးမလေးကိုအရမ်းစွဲလမ်းလာခဲ့ကြပြီး အစွန်းရောက်သွားကြတဲ့အခါမှာတော့ ဘယ်လိုကံကြမ္မာဆိုးတွေနဲ့ကြုံတွေ့လာရမလဲဆိုတာကို အခုတင်ဆက်ပေးမဲ့ The King Tide ဆိုတဲ့ IMDb 6.7 အထိရရှိထားတဲ့ဇာတ်ကားကောင်းလေးထဲမှာကြည့်ရှုခံစားရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်