Ragini MMSမှာတုန်းက မေးခွန်းထုတ်စရာဖြစ်ခဲ့တဲ့ ဇာတ်ဝင်ခန်းတွေဟာ ဒီဇာတ်ကားမှာ အဖြေပေါ်လာခဲ့ပါပြီ။ ဒီကားကို မကြည့်ခင်မှာ Ragini MMSမကြည့်ရသေးတဲ့သူတွေရှိရင် ကြည့်ကြဖို့ အကြံပြုချင်ပါတယ်။ သည်းထိတ်ရင်ဖိုကြောက်စရာကောင်းတာကိုမှ ကြည့်ချင်ကြတဲ့သူတွေအတွက် ဒီကားကို ကြည့်ဖြစ်အောင်ကြည့်ဖို့ပြောချင်ပါတယ်။ ဘာသာပြန်ကိုယ်တိုင်တောင် ကြောက်ကြောက်နဲ့ပြန်ခဲ့ရတဲ့ကားလေးပါ။ Ragini MMSမှာဖြစ်ပျက်ခဲ့တဲ့ အကြောင်းအရာတွေကို ဒါရိုက်တာဖြစ်တဲ့ရော့ခ်ဟာ ဇာတ်လမ်းရိုက်ဖို့လုပ်ပါတော့တယ်။ မင်းသမီးအလန်းစားလေးဖြစ်တဲ့ ဆန်နီကိုခေါ်ရိုက်ဖို့စီစဉ်ထားခဲ့ပါတယ်။ ဆန်နီဟာ သူမရဲ့ဇာတ်ကောင်ကို ပီပြင်ချင်တဲ့အတွက် ရာဂီနီနဲ့သွားတွေ့ခဲ့ပါတယ်။ အဲဒီမှာပဲ ရာဂီနီတစ်ယောက်ဟာ အတော်ထူးဆန်းနေခဲ့ပါတယ်။ ဒီလိုနဲ့ ဇာတ်လမ်းရိုက်ဖို့အတွက် ရိုက်ကူးရေးအဖွဲ့သားတွေနဲ့အတူ စာရေးဆရာ စတ္တရာ၊ ဆန်နီ နဲ့ ရော့ခ်တို့ဟာ အိမ်အိုကြီးတစ်လုံးဆီကို ရောက်လာခဲ့ကြပါတော့တယ်။ ဒေသခံတွေ သတိပေးတဲ့စကားတွေကို ယုံတမ်းတွေလို့ပဲထင်ပြီး နေကြရာကနေ ထူးဆန်းမှုတွေစတင်လာခဲ့ပါတော့တယ်။ ကဲ....Ragini MMSမှာ အားလုံးသိချင်နေကြတဲ့ အဖြေတွေအားလုံးကို ဇာတ်ကားထဲမှာ ဆက်ပြီး သည်းထိတ်ရင်ဖိုနဲ့ ကြည့်ရှုပေးကြပါဦးနော်။ ဇာတ်လမ်းအညွှန်းနဲ့ ဘာသာပြန်သူကတော့ Yoon Cherry Kyaw ဖြစ်ပါတယ်